Hamielčuku, jaki vykazvaŭsia suprać vajny, pryznačyli paŭtara hoda kałonii
U Homielskim abłasnym sudzie 15 lutaha asudzili Paŭła Rakocu pa troch artykułach Kryminalnaha kodeksa.
Jaho sudzili pavodle č. 1 art. 130 (raspalvańnie inšaj sacyjalnaj varožaści), č. 1 art. 368 (abraza Łukašenki), art. 369 (abraza pradstaŭnika ŭłady) Kryminalnaha kodeksa. Sudździa Anatol Sotnikaŭ pryznačyŭ Paŭłu hod i šeść miesiacaŭ pazbaŭleńnia voli ŭ kałonii va ŭmovach ahulnaha režymu, paviedamlaje «Viasna».
Sudovy praces prachodziŭ u zakrytym režymie, tamu padrabiaznaści spravy nieviadomyja.
Pavieł Rakoca — žychar Homiela, vučyŭsia ŭ Homielskim dziaržaŭnym univiersitecie imia Francyska Skaryny. Aktyŭny hulec u kvizy. Z pačatkam poŭnamaštabnaha ŭvarvańnia Rasii va Ukrainu mužčyna na svajoj staroncy ŭkantakcie aktyŭna vykazvaŭsia suprać vajny. Paźniej jaho staronku zabłakavali pa rašeńni Hienprakuratury RF. Antyvajennyja vykazvańni Paŭła ŭ sacsietkach mahli stać pryčynaj abvinavačvańnia jaho ŭ raspalvańni inšaj sacyjalnaj varožaści.
Kamientary