Zahadku šmatrazovaha pierafarboŭvańnia maładziečanskaha ručaja nie moža razhadać navat prakuratura
U kancy studzienia pa ŚMI prajšła infarmacyja, što ŭ Maładziečnie miascovy ručaj niekalki razoŭ mianiaŭ koler, kožny raz rezka adroźnivajučysia afarboŭkaj ad naturalnaha dla vadajoma. Ciapier miascovaja rajonka napisała, što pa hetaj situacyi ŭdałosia vyśvietlić.
«Maładziečanskaja hazieta» paprasiła prakamientavać situacyju pradstaŭnikoŭ roznych miascovych arhanizacyj.
Načalnik Maładziečanskaj rajonnaj inśpiekcyi pryrodnych resursaŭ i achovy navakolnaha asiarodździa Uładzisłaŭ Čarnoŭ raskazaŭ, što za čyścinioj vady ŭ rekach viadziecca pastajannaje nazirańnie i ciapier usio ź imi dobra. Łabaratornyja analizy, maŭlaŭ, pieravyšeńnia hranična dapuščalnych kancentracyj niebiaśpiečnych dla zdaroŭja rečyvaŭ u vadzie z ručaja nie vyjavili, tamu i niebiaśpieki nijakaj niama.
Pytańnie ž afarboŭvańnia vady ŭziataje pad kantrol prakuraturaj Maładziečanskaha rajona. I hetaja struktura «va ŭzajemadziejańni z pravaachoŭnymi i kantralujučymi orhanami» pravodzić «kompleks pravieračnych mierapryjemstvaŭ, nakiravanych na ŭstanaŭleńnie pryčyn źmieny koleru vady, jaje jakaści, a taksama vyjaŭleńnie i pryciahnieńnie da adkaznaści asob, vinavatych u hetym».
Praŭda, pakul što prakurory, niahledziačy na ŭsie starańni, tak nikoha vinavataha i nie vyjavili: «adpracoŭvajucca roznyja viersii padziej, jakija mahli paciahnuć afarboŭvańnie vady».
Čytajcie taksama:
Vada ŭ maładziečanskim ručai try razy za tydzień źmianiła koler. Što adbyvajecca?
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek6
Kamientary