«13:00 uziaćcie Kijeva. 18:00 kancert Hazmanava». Stenahrama i chranałohija taho, što biełaruskija prapahandysty ŭ ekstazie pisali 24—25 lutaha 2022 hoda
Minuŭ hod z pačatku vajennaj interviencyi Rasii va Ukrainu. Zhadajem, što tranślavali hramadstvu łukašenkaŭcy hod tamu.
Prapahandysty nie spali.
BiełVPO. 24 lutaha. 4:23. Uziaćcie Kijeva
BiełVPO pierapoščvaje rasijskuju šavinistyčnuju prapahandu.
Za pieršyja try miesiacy vajny va Ukrainie zahinuć jak minimum 42 pskoŭskija desantniki. Paśla hetaha publikacyju śpisaŭ zahinułych rasijskija ŭłady zabaroniać.
Razbor zapisaŭ videakamier pakaža, što mienavita pskoŭskija desantniki zabili dziasiatki ludziej na vulicach Bučy padčas akupacyi častki Kijeŭskaj vobłaści ŭ sakaviku. Nazvanyja imiony tych, chto zabivaŭ.
Hładkaja. 5:16. Zaklikaju zaraz ža skłaści zbroju
Pačynajučy ź piataj ranku Ludmiła Hładkaja z «SB» robić reposty paviedamleńniaŭ rasijskich prapahandystaŭ i Uładzimira Pucina.
Dziermant. 5:59. Ździejśniłasia toje, čaho my ŭsie čakali!
Dziermant u 5:59 z zachapleńniem paviedamlaŭ: «Tak, ździejśniłasia toje, čaho my ŭsie čakali — Pucin, Rasija rašylisia na vyzvaleńnie Ukrainy!»
Piatroŭski. 5:56. Paleśsie, Vałyń i Padolle pavinny dastacca Biełarusi
Piatro Piatroŭski pajšoŭ dalej. Ën nie prosta radavaŭsia «małankavaj vajnie», ale i vyznačyŭ miažu terytaryjalnych pretenzij łukašenkaŭcaŭ. U 5:56 ranku jon užo zaklikaŭ «praciahnuć ruku, uziać pad humanitarnuju i palityčnuju abaronu i apieku žycharoŭ ukrainskaha Paleśsia, Vałyni i Padolla, tych, chto z nami byŭ u adnoj dziaržavie na praciahu mnohich viakoŭ».
«Na moj pohlad, heta abaviazak Biełarusi», — piša Piatroŭski.
Praz paru hadzin da Piatroŭskaha dałučyŭsia Špakoŭski.
Špakoŭski. 8:12. «Zialenski pa psichatypie padobny da Pratasieviča»
«Zialenski pa psichatypie vielmi padobny da Pratasieviča. Kali jaho złoviać, to budzie pieć, jak jaho padmanuŭ vierałomny Zachad i pra toje, što Pucin — mužyk sa stalovaj volaj».
U 8 hadzin da biełaruskich prapahandystaŭ dałučyŭsia ich pracadaŭca. Na naradzie z vajskoŭcami Alaksandr Łukašenka pryznaŭsia: «Nichto nie spaŭ nočču. Treba było padrychtavacca da hetaj situacyi, jak siabie pavodzić, što skazać ludziam».
Dziermant. 8:54. «Režymu Zialenskaha zastajucca hadziny»
«Pa sutnaści, tym adekvatnym vajskoŭcam, jakija zastalisia ŭ Kijevie, nieabchodna źnieści režym Zialenskaha, jamu i tak zastajucca hadziny. Mienavita sami ŭkraincy pavinny jaho zrynuć».
Hetuju ŭstanoŭku Alaksandr Łukašenka praciahvaje pravodzić pa siońnia.
Łukašenka. 9:48. Ministr abarony Ukrainy nie pazvaniŭ u Maskvu. Voś paskuda
Telehram-kanał «Puł Pieršaha» ŭ 9:48 apublikavaŭ karotkuju cytatu z narady z vajskoŭcami 24 lutaha. Hałoŭny pasył — Ukraina moža kapitulavać, i tady vajny nie budzie. «Viedajučy, što moža pačacca kanflikt, jon [ministr abarony Ukrainy] navat nie pazvaniŭ u Maskvu. … Pazvanić było ciažka, źniać trubku. Paskuda».
«Žiełtyje ślivy». 9:41. Karta ŭdaraŭ
Nie spaŭ u tuju noč i Azaronak. Pačynajučy ź piaci ranku prapahandyst taksama rabiŭ reposty paviedamleńniaŭ roznych kanałaŭ ab paśpiachovych udarach rasijskich vojskaŭ pa vajskovaj infrastruktury Ukrainy. U 9:41 jon pierapościŭ z kanała «Žoŭtyja źlivy» «Kartu ŭdaraŭ pa bienderaŭskich schronach».
Azaronak taksama paciraŭ ruki ŭ čakańni zachopu dziejačaŭ biełaruskaha hramadstva i kultury, jakija pierajechali ŭ Kijeŭ.
Azaronak. STB. 12:01. Viertaloty praryvajucca da Kijeva!
A tym časam da Kijeva, dzie atabarylisia «biehłyja zmahary-fašysty», zastałosia dzieści kala 20 kiłamietraŭ…
Azaronak. 12:57. Drobny arhazm
«Kažuć, dzieści pad Kijevam u bok ruskich vojskaŭ z chlebam-sollu biažyć adzin palitołah i kryčyć: «My ruskija, z nami Boh».
Dziermant. 15:52. Priekratiť soprotivlenije!
Dziermant. 24 lutaha. 15:52. Uklučajecca ŭ retranślacyju zakliku Łukašenki da Ukrainy kapitulavać. «Kali va Ukrainie jašče zastalisia razumnyja ludzi ŭ kiraŭnictvie, to jany pavinny nieadkładna spynić supraciŭ, zapytać pieramovy ab miry, — piša prapahandyst. — Heta adzinaje, što moža ŭratavać hetuju dziaržavu».
Ludmiła Hładkaja ŭ 17:29 źniščyła połk «Azoŭ»
«Pa źviestkach na hetuju chvilinu — fašyscki połk «Azoŭ» poŭnaściu źniščany».
Nasamreč adna častka pałka «Azoŭ» budzie paśpiachova baranić Maryupal jašče amal try miesiacy.
Čytajcie taksama: Rasijski aficer raskazaŭ, jak raźvivałasia ŭkrainskaja apieracyja pad Iziumam. Ën nie razumieje, čamu ŭkraincy nie zachacieli zamknuć akružeńnie
«Hłavnyj. Tur». 18:10. Vodpaviedź tym, chto kaža, što vajna — heta varvarstva
«Vajna nie pačałasia. Vajnu sprabujuć zakončyć. Nam usim nieabchodna pierakryžavać palcy i spadziavacca, što śpiecapieracyja rasijskich vojskaŭ zavieršycca paśpiachova. U advarotnym vypadku — być biadzie».
«Ja/My OMON». 18:11. Raźviedka dałažyła
Špakoŭski. 25 lutaha. 10:51. Uziaćcie Kijeva čakajecca siońnia da viečara
Pabačym.
Prapahandysty pryhladalisia, jak buduć dzialić Ukrainu.
Dziermant. 26 lutaha. 6:14. A Ukrainu treba zabirać usiu — da Zakarpaćcia
Ni adzin z prapahandystaŭ nie pryznaŭ svaich pamyłak i nie pakajaŭsia.
«Naša Niva» — bastyjon biełaruščyny
PADTRYMAĆKolki nasamreč ciahnucca pracoŭnyja pajezdki Łukašenki? Cikavyja ličby5
Kamientary