U Rasii 49-hadovy režysior zrabiŭ prapanovu 17-hadovaj aktrysie. Sacsietki aburylisia ich ramantyčnym FOTA

U ruskamoŭnym siehmiencie sacsietak aktyŭna abmiarkoŭvajuć zaručyny 49-hadovaha režysiora Marka Harabca i 18-hadovaj akciorki Aleksandryny Alaksiuk. Piersanažy heta nie nadta viadomyja, ale šmat kaho aburyła ich zanadta vialikaja roźnica hadoŭ i toje, što dziaŭčyna vyhladaje jašče maładziejšaj za svoj viek — hadoŭ na 15.

«04.08.2024 ty skazała mnie «tak!». Ščaście, što ty jość, maja cudoŭnaja i kachanaja Aleksandryna. Budź ščaślivaja, a z astatnim my raźbiaromsia, maja pryncesa», — napisaŭ Harabiec u sacsietkach i apublikavaŭ zdymki z zaručalnym piarścionkam.

Zaŭvažym, što svajo 18-hodździe aktrysa adśviatkavała tolki praź niekalki miesiacaŭ paśla hetaha — 14 listapada.

Pavialičyć

Harabiec naradziŭsia ŭ Kijevie i pačynaŭ tam svaju karjeru. U 2009 hodzie pierajechaŭ u Maskvu. Viadomaść jamu prynios sieryjał «Zakrytaja škoła», režysioram jakoha z treciaha siezonu jon byŭ.

Choć pra zaručyny było paviedamlena na minułym tydni, para nie asabliva chavała svaich blizkich adnosin. Tak, Aleksandryna rehularna raźmiaščała na svajoj staroncy zdymki z Markam.

Pavialičyć

Miarkujučy na kamientarach, jakija pakidajuć karystalniki ŭ sacsietkach pary, nie ŭsie vierać u ščyraść pačućciaŭ dziaŭčyny. «Heta ž treba tak hrošy lubić», «Vyjšła zamuž pa kachańni… nu-nu», «A mama viedaje?», — pišuć kamientatary.

Inšyja krytykujuć režysiora: «Pachnie niejkim vyčvarenstvam, «Niejki žach», «Hospadzie, na pieršym fota prosta tata z dačkoj, kašmar niejki».

Pavialičyć

Paviedamlajecca, što adnosiny pamiž Aleksandrynaj i Markam pačalisia ŭ čas zdymkaŭ filma «Tur ź Ivanuškami», režysioram jakoha źjaŭlajecca Harabiec.

Kali para aženicca, to heta budzie čaćviorty šlub režysiora. Jon užo dva razy byŭ žanaty na aktrysach. Tak u 2009 hodzie Harabiec pabraŭsia ź Śviatłanaj Uścinavaj, jakaja była małodšaj za jaho na 7 hadoŭ. Razam jany pražyli čatyry hady.

U 2018 hodzie Mark aficyjna aformiŭ adnosiny z Maryjaj Šerstabitavaj, jakaja ŭ 2017 hodzie debiutavała ŭ jaho filmie «Vialikija hrošy». Ź joj u režysiora roźnica składała 14 hadoŭ.

Ad hetych dźviuch žonak u Harabca nie było dziaciej. Ale jon maje dačku, jakaja naradziłasia ŭ 2005 hodzie ŭ pieršym šlubie z žančynaj Julijaj. Jak doŭha praciahvaŭsia toj šlub, nieviadoma. Paviedamlajecca, što Julija Harabiec pamierła ŭ 2017 hodzie.

• 10
• 4
• 6
• 18
• 6
• 0
• 0
• 1