Hramadzianin Ukrainy, zatrymany ŭ Kyrhyzstanie, prosić nie ekstradziravać jaho ŭ Biełaruś
U SIZA Kyrhyzstana znachodzicca 37-hadovy hramadzianin Ukrainy Uładzimir Kadaryja, jaki prosić kyrhyzskija ŭłady nie ekstradziravać jaho ŭ Biełaruś, paviedamlaje radyjo «Azatyk». Uładzimir pryjechaŭ u Kyrhyzstan u žniŭni 2022 hoda, a ŭ vieraśni jaho zatrymali na zapyt Biełarusi.
Raniej Uładzimira Kadaryja zvali Andrejem Kavalovym i jon byŭ hramadzianinam Biełarusi. U 2017 hodzie jon, adnak, atrymaŭ status uciekača va Ukrainie, źmianiŭ hramadzianstva na ŭkrainskaje i pamianiaŭ imia. Adnak pretenzii da jaho z boku łukašenkaŭskaha režymu zastalisia.
Ź SIZA Kadaryja źviarnuŭsia pa atrymańnie statusu biežanca i atrymaŭ adpaviednaje paśviedčańnie 9 śniežnia. Adnak užo praz try dni sud Biškieka vynies rašeńnie ab jaho ekstradycyi. Advakaty asprečyli hetaje rašeńnie, ale 15 lutaha Biškiekski haradski sud pakinuŭ u sile rašeńnie pieršaj instancyi.
Ciapier Uładzimir Kadaryja źviarnuŭsia da prezidenta Kyrhyzstana Sadyra Žaparava z prośbaj nie ekstradziravać jaho. Pradstaŭnik Upraŭleńnia Viarchoŭnaha kamisara AAN pa pravach čałavieka pa Centralnaj Azii Fabia Pijana i pradstaŭnik Upraŭleńnia Viarchoŭnaha kamisara AAN pa spravach biežancaŭ Chans Frydrych Šoder taksama źviarnulisia da hienprakurora Kyrhyzstana z prośbaj adklikać rašeńnie ab ekstradycyi.
Čytajcie taksama:
Byłoha biełaruskaha palitviaźnia chočuć departavać z Ukrainy
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary