Finski deputat Sinika Churskajnien niadaŭna stała novym śpiecdakładčykam Parłamienckaj asamblei Rady Jeŭropy pa Biełarusi. Raniej hetuju pasadu zajmaŭ italjanski parłamientar Andrea Ryhoni
Finski deputat Sinika Churskajnien niadaŭna stała novym śpiecdakładčykam Parłamienckaj asamblei Rady Jeŭropy pa Biełarusi, paviedamili «NN» u Infarmacyjnym punkcie Savietu Jeŭropy ŭ Minsku. Pryznačeńnie adbyłosia jašče ŭ vieraśni.
Ad lutaha 2007 hodu hetuju pasadu zajmaŭ italjanski parłamientar Andrea Ryhoni, jašče raniej — kipryjot Chrystas Purhurydes.
Padčas pracy sp.Ryhoni pačaŭsia praces viartańnie Biełarusi statusu śpiecyjalnaj zaprošanaj u Saviecie Jeŭropy. Na letniaj siesii PARIE było pryniataje rašeńnie, što status našaj krainie budzie viernuty tolki paśla ŭviadzieńnia maratoryja na śmiarotnaje pakarańnie. Tym nie mienš, takija prysudy pa‑raniejšamu vynosiacca ŭ Biełarusi.
Pracu Andrea Ryhoni nieadnaznačna aceńvali biełaruskija apazicyjaniery. Lider AHP Anatol Labiedźka kaža: «Majo staŭleńnie da spadara Ryhoni było dosyć krytyčnym. Jon ad samaha pačatku zaniaŭ rolu advakata ŭładaŭ. Raiŭ im nie pryjazdžać na pasiadžeńni PARIE razam z apazicyjanierami, bo jany buduć vidavočna prajhravać. Heta absalutna dakładnaja infarmacyja. Jahonaja palityka adnaznačna i nie pryviała da pośpiechu, i rašeńnie ab źmienie možna tolki vitać.
Viedajecie, tut prychodzić takaja paralel sa škołaj. Zvyčajna ŭ kłasach jość taki adstajučy vučań, jakomu, kab pieravieści ŭ nastupny kłas, šukajuć samaje lohkaje zadańnie. Nu kab choć štości zrabiŭ! I Ryhoni šukaŭ takoje zadańnie dla Biełarusi. Jon jaho znajšoŭ u vyhladzie admieny śmiarotnaha pakarańnia, ale ŭłada i tut nie zmahła jaho vykanać», — kaža A.Labiedźka.
Sanika Churskajnien naradziłasia ŭ 1951 hodzie ŭ nievialikim haradku Kuusankoski na poŭdni Finlandyi. Pradstaŭlaje sacyjał‑demakratyčnuju partyju. Deputat finskaha parłamientu ad 1983 pa 1999 i z 2003 hadoŭ. Pracavała sacyjalnym rabotnikam. Ad studzienia 2008 hodu ŭznačalvaje padkamitet PARIE pa Biełarusi. Niekalki razoŭ była ŭ našaj krainie.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary