«Takija filmy nie vyklikajuć ničoha, akramia śmiechu». Kizim prakamientavaŭ ataku na samalot A-50 u Mačuliščach
U intervju «Liha.net» pasoł Ukrainy ŭ Biełarusi Ihar Kizim prakamientavaŭ dyviersiju ŭ Mačuliščach i strach biełaruskich uład pierad biełaruskimi dobraachvotnikami.
Ambasadar Ukrainy havoryć, što pakul detali padziej u Mačuliščach nieviadomyja, treba pačakać niekalki dzion. Mierkavać pra padzieju pa prapahandysckim filmie nie varta. «Takija filmy nie vyklikajuć ničoha, akramia śmiechu», — kaža jon.
«Heta ŭsio padajecca jak dasiahnieńnie śpiecsłužbaŭ. Jany pavinny niešta rabić, dakazvać svaju karysnaść. Usio pabudavana na tym, što śpiecsłužby siońnia majuć asnoŭny hołas u biełaruskaj palitycy», — skazaŭ jon.
Kizim kaža, što dziŭnaja sprava atrymoŭvajecca: rasijski samalot byŭ paškodžany pry napadzie z terytoryi Biełarusi. U Čykahskaj kanviencyi vajennyja pavietranyja sudny majuć pryncyp eksterytaryjalnaści — faktyčna hety samalot zjaŭlajecca terytoryjaj Rasii, i z terytoryi Biełarusi adbyŭsia napad na terytoryju Rasii. Kali karystacca łohikaj biełaruskaha kiraŭnictva, jakoje vinavacić u dyviersii ŭkraincaŭ, to ŭ tych jość na heta prava — heta ŭdar pa Rasii.
Na pytańnie, ci jość nasamreč partyzanski ruch u Biełarusi, Kizim adkazaŭ: «Apazicyja i niejkija partyzany jość. Heta praŭda. Kali Łukašenka daŭ daručeńnie šukać i karać usich, to jany nasamreč jość».
Jon havoryć, što biełaruskija dobraachvotniki, jakija vajujuć na baku Ukrainy, pałochajuć biełaruskija ŭłady.
«Na 100% pałochajuć. Łukašenka nieadnarazova kazaŭ, što ŭsio pra ich viadoma, ich złoviać i pasadziać. Što da padtrymki ŭ hramadstvie, to skazać składana.
Va ŭmovach teroru suprać nasielnictva ludziam ciažka vykazać svajo mierkavańnie. Ale ŭ znosinach sa zvyčajnymi hramadzianami Biełarusi ja adčuvaju padtrymku Ukrainy. Jana niehałosnaja», — havoryć jon.
Čytajcie taksama:
Pasoł Ukrainy: My pierapisvalisia z Makiejem, ale jon nie adkazvaŭ, a tolki staviŭ «+»
Łukašenka nazvaŭ Zialenskaha «hnidaj», a «Bajpoł» — «mudakami»
Łukša raskazaŭ, jak sustreŭsia ŭ adnoj kamiery z Pačobutam. I pieradhistoryju ich daŭniaha kanfliktu6
Kamientary
SŁAVA UKRAINI!
Žyvie Biełaruś!