«Tut prosta strašna». Žychar vioski pad Minskam u zvarocie da Łukašenki raspavioŭ, što ŭsia vioska za jaho hałasavała, choć jany i patanajuć u hrazi
Pradprymalnik ź vioski Kukševičy ŭ tyktoku źviarnuŭsia da Alaksandra Łukašenki. Jon skazaŭ, što ŭ 2020-m usioj vioskaj jany «trymali kułački» i hałasavali za Łukašenku. Hałasavali, niahledziačy na toje, što ŭ ich vioscy dvuchkiłamietrovaja daroha, pa jakoj niemahčyma prajechać.
Zvarot pradprymalnika ź vioski Kukševičy, jakaja znachodzicca za 30 km ad stalicy, zjaviŭsia ŭ tyktoku. Jaho pierapościli inšyja pabliki.
Na videa pradprymalnik raspaviadaje, što heta pieršaje jaho videa, «poklič dušy».
Jon kaža, što ŭ ich vioscy bolš za 100 damoŭ, jana raście, jość «dzietki maleńkija». U 2020 hodzie, ź jaho słoŭ, usie žychary «trymali kułački» za Łukašenku, usie za jaho hałasavali i «ŭsie spadziavalisia».
Pradprymalnik raspaviadaje, što daroha ŭ vioscy takaja, što prajechać pa joj niemahčyma, školnyja aŭtobusy nie jeździać, dzieci 2 km pa hetaj darozie brudnyja dabirajucca da asfaltu, mašyny łamajucca, hienieratary zalivaje. Jeździć pa takoj darozie niemahčyma.
«Tut prosta strašna, tamu, Alaksandr Ryhoravič, kali łaska, raźbiaryciesia, dapamažycie. Nadyšoŭ toj čas, kali vy nam pavinny dapamahčy», — miarkuje mužčyna.
Ale potym, vidać, pieradumaŭ, što Łukašenka niešta pavinien. Ciapier hetaha videa ŭ paznačanym tyktok-akaŭncie niama.
Heta nie adzinaje padobnaje videa.
Žychary vioski Krasnaja Horka pakazali, jak jany žyvuć biez narmalnaj darohi.
-
Vyjšaŭ na svabodu 76-hadovy Siamion Dobkin, brat zasnavalnika EPAM
-
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie
-
Ciažarnuju minčanku zatrymali na miažy pry viartańni ź Litvy za abrazu Kubrakova
Vyjšaŭ na svabodu 76-hadovy Siamion Dobkin, brat zasnavalnika EPAM4
Kamientary