Zialenski źviazaŭ rašeńnie pra raźmiaščeńnie jadziernaj zbroi ŭ Biełarusi ź vizitam Si Czińpina ŭ Maskvu
Ułady Ukrainy chacieli b arhanizavać sustreču Uładzimira Zialenskaha i staršyni Kitaja Si Czińpina. Pra heta ŭkrainski lidar zajaviŭ u intervju Associated Press.
Si Czińpin. Fota: Jack Taylor / Pool Photo via AP, File
«My hatovyja bačyć jaho tut. Ja chaču pahavaryć ź im. Ja mieŭ kamunikacyju ź im jašče da poŭnamaštabnaj vajny. Ale ciaham usiaho hetaha hoda, bolš čym adzin hod, my [nie razmaŭlali]», — skazaŭ Zialenski.
Jon taksama vykazaŭ zdahadku, što abviaščeńnie rasijskaha prezidenta Uładzimira Pucina ab rašeńni raźmiaścić u Biełarusi schovišča taktyčnaj jadziernaj zbroi źviazana z vynikami vizitu Si Czińpina ŭ Maskvu. Na jahonuju dumku, toj nie daŭ kiraŭnictvu Rasii čakanych harantyj.
«Što heta značyć? Heta aznačaje, što vizit nie pajšoŭ na karyść Rasii», — skazaŭ Zialenski.
Kamientary