Hałoŭnaha redaktara «Rehijanalnaj haziety» pryznali palitviaźniem
Pravaabarončyja arhanizacyi Biełarusi pryznali hałoŭnaha redaktara «Rehijanalnaj haziety» Alaksandra Manceviča palityčnym viaźniem, paviedamlaje BAŽ.
Alaksandra Manceviča zatrymali 15 sakavika paśla pieratrusu ŭ jaho domie ŭ Vilejcy.
27 sakavika stała viadoma, što Alaksandra Manceviča pieraviali ŭ žodzinskuju turmu. Paśla Śledčy kamitet zajaviŭ, što Manceviču inkryminavany art. 369-1 Kryminalnaha kodeksa («Dyskredytacyja Respubliki Biełaruś»).
Zhodna z materyjałami kryminalnaj spravy, Mancevič, źjaŭlajučysia dyrektaram redakcyi haziety, sumiesna ź inšymi asobami z 1 studzienia 2020 hoda pa 15 sakavika 2023 hoda «raspaŭsiudžvaŭ u drukavanym vydańni i jaho internet-resursach zaviedama łžyvyja źviestki, jakija dyskredytujuć Biełaruś i jaje orhany ŭłady».
Alaksandr Mancevič — nieadnarazovy pieramožca žurnalisckich konkursaŭ i premij za vysokija standarty pracy.
Uletku 2021 hoda milicyja ŭžo prychodziła ź pieratrusam u pamiaškańnie redakcyi i ŭ dom hałoŭnaha redaktara.
Pravaabaroncy patrabujuć:
• nieadkładnaha vyzvaleńnia Alaksandra Manceviča i spynieńnia ŭ dačynieńni da jaho kryminalnaha pieraśledu;
• admovy ad vykarystańnia mietadaŭ kryminalnaha pieraśledu jak instrumienta cisku na svabodu vykazvańnia mierkavańnia ci inšyja pravy i svabody;
• nieadkładnaha spynieńnia represij, a taksama vyzvaleńnia ŭsich palityčnych źniavolenych.
Hałoŭnaha redaktara «Rehijanalnaj haziety» abvinavačvajuć u «dyskredytacyi ŭłady»
-
U Minsku da Novaha hoda pastaviać niezvyčajnuju scenu-piramidu. U čym jaje asablivaść?
-
U Minsku kala Kamaroŭki zaŭvažyli cełuju zhraju svojskich pacukoŭ. Na rynku kažuć, što heta nie ichnija VIDEA
-
«My z vami nie pa čutkach viedajem, što takoje kultura ŭ našaj krainie». Što havaryłasia na pradstaŭleńni novaha ministra kultury
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary