Чалавекам, які апублікаваў дакументы ўрада ЗША, у якім усплыў шпіянаж за cаюзнікамі і раскрыліся планы ўдзелу ЗША ў вайне ва Украіне, выявіўся малады аматар зброі, які падзяліўся строга засакрэчанымі дакументамі з групай малазнаёмых людзей у групе, якая з'явілася падчас пандэміі ў 2020 годзе, піша ў сваім расследаванні Washington Post.
Дакументы апублікаваў карыстальнік пад нікам OG у групе з двух дзясяткаў чалавек на платформе для геймераў Discord. Удзельнікаў гуртка аб'ядноўвала любоў да зброі, вайсковага рыштунку і Бога, адзначае выданне.
OG распавёў удзельнікам групы, што ён працуе на «вайсковай базе». Расшыфраваныя дакументы тычыліся шэрагу далікатных тэм, доступ да якіх могуць мець толькі тыя, хто прайшоў шматмесячную праверку персанальных даных, робіць высновы выданне.
У іх утрымліваліся звышсакрэтныя справаздачы пра месцазнаходжанне і перамяшчэнні высокапастаўленых палітычных лідараў, а таксама тактычныя зводкі аб Узброеных сілах.
OG адпраўляў сакрэтныя дакументы групе і разлічваў, што група будзе ўважлівая да іх. Але групе было нецікава, удзельнікі аддавалі перавагу глядзець відэаролікі на YouTube аб баявым рыштунку, пераказвае размовы з удзельнікамі групы Washington Post.
OG раззлаваўся і пачаў адпраўляць фатаграфіі сакрэтных дакументаў, некаторыя ўтрымлівалі падрабязныя карты баявых дзеянняў ва Украіне і строга засакрэчаныя спадарожнікавыя здымкі наступстваў расійскіх ракетных удараў па ўкраінскіх электрасетках.
Акрамя таго, OG апублікаваў справаздачы, якія пацвярджаюць дзеянні амерыканскай разведкі, якая пранікла ў расійскія Узброеныя сілы. У прыватнасці, што Егіпет планаваў прадаць Расіі дзясяткі тысяч ракет, і меркававанні, што расійскія найміты збіраюцца закупляць у Турцыі, члена НАТА, зброю для барацьбы з Украінай.
7 красавіка амерыканскае выданне New York Times паведаміла, што ў інтэрнэце з'явіліся амерыканскія сакрэтныя дакументы па ўкраінскай тэматыцы.
Дарадца кіраўніка Офіса ўкраінскага прэзідэнта Міхаіл Падаляк сказаў, што ўцечка не падарве адносін Украіны і ЗША. «Гэта нармальная аналітыка. І я не бачу, што гэта неяк павінна падарваць нашы ўзаемныя адносіны з партнёрамі. Гэта не блытае ніякіх планаў, таму што яны распрацоўваюцца, яны яшчэ аператыўна-тактычна адпрацоўваюцца», — сказаў Падаляк у панядзелак падчас тэлемарафону.
Са зліваў сакрэтных дакументаў стала вядома, у колькі чалавек ФСБ ацэньвае страты Расіі ва Украіне
Васкрасенскі: Трэба, каб Сікорскі прывёз падарунак Лукашэнку. А Бяляцкі і 20 завадатараў выйдуць апошнімі26
Каментары
https://nashaniva.com/314398