U Minsku pabudujuć infiekcyjnuju balnicu. Jak jana budzie vyhladać
Pabudujuć jaje ŭ rajonie Daŭhinaŭskaha trakta.
U novaj balnicy budzie čatyry karpusy dla pacyjentaŭ i adzin hałoŭny. Asobna raźmieścicca korpus dla lačeńnia asabliva niebiaśpiečnych infiekcyj. Usie błoki buduć źviazanyja pamiž saboj skraznymi halerejami-pierachodami, paviedamlajuć «Minsk-naviny».
Hałoŭny korpus z 2-3 pavierchaŭ budzie ŭ formie litary «P», z unutranym dvorykam. U hetym budynku budzie pryjomnaje adździaleńnie, KT i renthien, 10 reanimacyjnych pałat na 18 łožkaŭ, Ekspres-łabaratoryja, apieracyjny błok, klinika-łabaratornaja słužba, mikrabijałahičny adździeł, adździaleńni funkcyjanalnaj dyjahnostyki, endaskapičnaje, płatnych pasłuh i inšyja słužby stacyjanara.
Tut buduć vučycca budučyja miedyki: pa prajekcie pabudujuć jašče vučebny budynak dla studentaŭ.
«My pastaralisia złamać stereatypy sterylnaj balničnaj atmaśfiery i stvaryć psichałahičnaje asiarodździe, kamfortnaje jak dla pacyjentaŭ, tak i dla piersanału», — raspaviali prajekciroŭščyki novaj balnicy.
Budynki paabiacali zrabić jarkimi i aryhinalnymi, roznych koleraŭ, kab i pacyjenty, i piersanał lahčej aryjentavalisia siarod miedycynskich błokaŭ.
Cikava, što infiekcyjnuju balnicu ŭ Minsku pabudavać chacieli jašče da prychodu karanavirusa. Ciapier jana raźmiaščajecca na Krapotkina — budynkam bolš za stahodździe. Pandemija pakazała, nakolki karpusy maralna sastareli.
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami35
Kamientary