MZS Biełarusi pra Sudan: U Chartumie znachodzicca 10 čałaviek, evakuacyja pakul niemahčymaja
MZS Biełarusi paviedamlaje, što ŭ stalicy Sudana Chartumie znachodziacca try hrupy biełaruskich hramadzian, usiaho 10 čałaviek.
Viedamstva adznačaje, što ŭ Chartumie znachodzicca 10 čałaviek. Usie ŭ biaśpiecy, adnak evakuacyja pakul niemahčymaja z-za bojesutyknieńniaŭ u krainie.
«Z usimi ź ich naša pasolstva ŭ Jehipcie znachodzicca na suviazi, akazvaje kansultacyjnuju dapamohu i inšaje sadziejničańnie. Dvaich udałosia vyvieźci ŭ adnosnuju biaśpieku — na terytoryju pasolstva Rasii, jakoje akazvaje nam usio mahčymaje sadziejničańnie», — zaznačaje zamiežnapalityčnaje viedamstva.
«Biełaruski ekipaž pavietranaha sudna avijakampanii «Bielkanta» z 7 čałaviek znachodzicca na adnosnym addaleńni ad epicentra bojesutyknieńniaŭ, adnak pakidać miescaznachodžańnie i pieramiaščacca ŭ hety momant vielmi niebiaśpiečna. Situacyja pakul zastajecca składanaj. Pasolstva Biełarusi ŭ Jehipcie praciahnie akazvać usio mahčymaje sadziejničańnie našym suajčyńnikam», — paviedamlaje MZS.
Nahadajem, što 15 krasavika ŭ Sudanie ŭspychnuli žorstkija bai pamiž miascovymi vajskoŭcami i siłami chutkaha reahavańnia — vajenizavanymi farmavańniami krainy. Roznahałośsi ŭźnikli z nahody intehracyi apošnich u skład vojska i adterminavali padpisańnie padtrymanaha mižnarodnaj supolnaściu pahadnieńnia z palityčnymi partyjami ab pierachodzie da demakratyi.
Kamientary