Pavieł Biespalčuk moh syści z pasady cicha, jak heta robiać dziasiatki čynoŭnikaŭ. Ale napiaredadni ŭ haziecie «Vieśnik BDMU» źjaviŭsia jaho skandalny artykuł.
U miedycynskich kołach skandał. Ministerstva achovy zdaroŭja nie praciahnuła pracoŭny kantrakt z rektaram Biełaruskaha dziaržaŭnaha miedycynskaha univiersiteta.
Pavieł Biespalčuk moh syści z pasady cicha, jak heta robiać dziasiatki čynoŭnikaŭ. Ale napiaredadni ŭ haziecie «Vieśnik BDMU» źjaviŭsia jaho skandalny artykuł.
U artykule «U termin da 31 listapada» viałosia pra toje, u što pieratvaryłasia sistema raźmierkavańnia studentaŭ‑miedykaŭ. Rektar acharaktaryzavaŭ situacyju jak «biezzakońnie», jakoje dasiahnuła «svajho apahieju».
Jak śćviardžaje aŭtar artykuła, apošnija dva hady univiersiteckaja kamisija była adchilena ad praviadzieńnia raźmierkavańnia vypusknikoŭ. Losami maładych śpiecyjalistaŭ rasparadžałasia Ministerstva achovy zdaroŭja. Dachodziła da absurdu, kali miescy ŭ najlepšych klinikach krainy addavalisia studenty z drennymi adznakami,
a vydatniki, jakija mieli pieravahi pry raźmierkavańni, źjazdžali pracavać u hłybinku i nie pa toj śpiecyjalizacyi, jakuju vyvučali ŭ univiersitecie na apošnich kursach.
Časam admacavańnie ad raźmierkavańnia «u suviazi z rašeńniem ministra» atrymlivali navat studenty‑metaviki.
Pavieł Biespalčuk sprabavaŭ źmianić situacyju i publična krytykavaŭ Ministerstva achovy zdaroŭja za biescyrymonnaje ŭmiašalnictva ŭ praceduru raźmierkavańnia,
uzdymaŭ hetaje pytańnie na kalehii Ministerstva achovy zdaroŭja. Ale sproby damahčysia spraviadlivaści tolki dabaŭlali rektaru prablem.
Ciapier zrazumieła, čamu ŭ studzieni 2008 hoda ab adstaŭcy Biespalčuka ŭ miedycynskich kołach kazali jak pra fakt, jaki amal adbyŭsia. Siońnia dakładna viadoma, što
ŭ studzieni 2008‑ha ministr achovy zdaroŭja Vasil Žarko prapanoŭvaŭ Paŭłu Biespalčuku napisać zajavu ab sychodzie pa ŭłasnym žadańni. Ale toj admoviŭsia.
Letam minułaha hoda ŭ BDMU była nakiravanaja kamisija Kantrolna‑revizijnaha ŭpraŭleńnia Ministerstva achovy zdaroŭja. Jana pracavała bolš za miesiac, detalovaj praviercy padviarhałasia litaralna kožnaja papierka. Ale ničoha supraćzakonnaha ŭ dziejnaści rektara i jaho padnačalenych praviaralščyki nie znajšli. Zdymać Biespalčuka z pasady nie było za što.
10 listapada 2009 hoda skančaŭsia pracoŭny kantrakt rektara BDMU ź Ministerstvam achovy zdaroŭja, jaki byŭ pierazaklučany try hady tamu. Było vidavočna, što praciahvać jaho bok‑pracadaŭca nie maje namieru.
Što tyčycca dalejšaha losu rektara BDMU, to ŭ im pakul bolš jasnaści, čym, naprykład, u prafiesijnaj karjery dyrektara RNPC ankałohii i miedycynskaj radyjałohii Iosifa Załuckaha. Budučy 12 hadoŭ rektaram, Pavieł Biespalčuk praciahvaŭ pracavać na kafiedry traŭmatałohii i artapiedyi BDMU, baza jakoj raźmiaščajecca ŭ Haradskim centry traŭmatałohii i artapiedyi 6‑j kliničnaj balnicy Minska. Jon šmat kansultavaŭ i nie pierastavaŭ apieravać.
Pavieł Biespalčuk ličycca vydatnym chirurham u halinie chirurhii kiści ruk.
«Spadziajusia, što z univiersitetam nie rasstaniemsia i zastanusia na kafiedry, — skazaŭ Pavieł Biespalčuk. — Što tyčycca majho zvalnieńnia, to kamientavać niama čaho. Kantrakt skončyŭsia, i ŭsie… Ja ni na što nie skardžusia. Jość kitajskaja prymaŭka: ščaście — heta vyzvaleńnie ad kłopatu…»
Cikava, ci budzie reakcyja na vykryvalnicki artykuł Paŭła Biespalčuka ź inšych viedamstvaŭ krainy?
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary