SPA-plaž tolki dla darosłych — što novaha budzie ŭ akvaparkach hetym letam
Što padrychtavali minskija akvaparki ŭ hetym siezonie i ŭ kolki abyducca hetyja zadavalnieńni, piša Myfin.by.
Fish-SPA i SPA-plaž u «Lebiadzinym»
U akvaparku «Lebiadziny» z 22 krasavika 2023 hoda pačała pracavać abnoŭlenaja akvazona i «Terytoryja SPA». U SPA-centry znachodzicca try termy z duchmianym alejem, a taksama rybki hara rufa, jakija vykarystoŭvajucca dla pilinhu noh. 20 chvilin takoha Fish-SPA dla darosłaha kaštujuć 14 rubloŭ.
U «Lebiadzinym» taksama možna rassłabicca na pracedury fłaatynhu — sieans praciahłaściu 30 chvilin kaštuje 14 rubloŭ.
20 chvilin žamčužnaj vanny ŭ «Terytoryi SPA» kaštujuć 12 rubloŭ. Dla achvotnych pravieści čas z karyściu dla fihury jość pasłuha «Adpačynak u šakaładzie» — heta žamčužnaja vanna z horkim abo małočnym šakaładam i SPA-dohlad. Takoje zadavalnieńnie abydziecca ŭ 90 rubloŭ za 110 chvilin.
U hetym siezonie ŭ «Lebiadzinym» zapracavaŭ siezonny SPA-plaž. Jon ujaŭlaje saboj asobny pakoj ź nievialikim basiejnam, šezłonhami i pasłuhami pa charčavańni. Uvachod u pakoj dastupny tolki asobam z 18 hadoŭ. Bieźlimitnaje znachodžańnie ŭ pakoi na praciahu adnaho dnia kaštuje ŭsiaho 10 rubloŭ.
U siezon 2023 hoda ŭ akvazonie «Lebiadzinaha» zarabili novyja vodnyja horki «Vinh», «Majstar Błastar» i «Vajpier». A amataram ekstrymu moža spadabacca horka ź intryhujučaj nazvaj «Emacyjnyja areli», daŭžynia jakoj — 160 mietraŭ, a vyšynia — 13,5 mietra.
27 maja ŭ 12:00 u akvaparku «Lebiadziny» adbudziecca čaćviorty etap spabornictvaŭ pa fłaŭbordynhu (siorfinh na štučnaj chvali). Hledačy zmohuć ubačyć truki spartsmienaŭ z doškaj na vadzie.
Zoakutok i barbiekiu ŭ Dreamland
Akvapark Dreamland — plažny astravok u centry Minska, jaki budzie pracavać u dobraje nadvorje hetym letam. Kvitok na adzin dzień pa budniach dla darosłych kaštuje 25 rubloŭ, pa vychadnych — 30 rubloŭ. Dziciačy bilet pa budniach abydziecca ŭ 15 rubloŭ, a ŭ subotu i niadzielu — u 20 rubloŭ.
Akvazona Dreamland uklučaje niekalki vodnych horak. Samyja doŭhija — «Viktoryja» i «Katryna», ich daŭžynia składaje 160 mietraŭ. Vyšynia «Viktoryi» — 22 mietry. Padčas katańnia hości buduć pieraadolvać stromkija pavaroty i spuski. Taksama ŭ Dreamland naviedvalnikaŭ čakaje chvalevy basiejn i atrakcyjon «Lanivaja raka». Dzieciam taksama nie pryjdziecca sumavać — u akvaparku jość dziciačy haradok i pracujuć animatary.
U akvaparku Dreamland letam 2023 hoda budzie abnoŭleny łandšaftny dyzajn. Źjavicca zoakutok z ptuškami. Na terytoryi akvaparku možna pasmažyć barbiekiu, arandavaŭšy asobnaje bunhała.
SPA-dohlad i prafiesijny łazienščyk u «Frystajle»
Akvapark «Frystajł» u siezon 2023 hoda paraduje haściej novymi pasłuhami ŭ śfiery SPA i parańnia. Try hadziny znachodžańnia ŭ akvazonie dla darosłych kaštujuć 45 rubloŭ, a dla dziaciej ad 3 da 15 hadoŭ — 35 rubloŭ.
U akvaparku «Frystajł» taksama pravodzicca navučańnie chareahrafii, płavańniu, katańniu na hornych łyžach, akrabatycy, skačkach na batucie. Na zaniatki zaprašajuć dziaciej ad 7 da 10 hadoŭ.
Siarod navinak centra — madeliravalnaja pracedura «Inžyr» (60 chvilin pracedury abyducca ŭ 85 rubloŭ). Dla prafiłaktyki stareńnia možna zapisacca na «Dohlad-antyejdž Manhaścin» za 85 rubloŭ. U takuju ž canu abyducca «Antystres-terapija» i «Kavunovy freš».
Taksama tut prapanujuć sieansy hukaterapii, zaniatki ŭ trenažornaj zale, hulni ŭ boŭlinh i biljard.
Jašče adna novaja pasłuha ŭ «Frystajle» — parańnie z prafiesijnym łazienščykam. 30 chvilin pracedury kaštujuć 50 rubloŭ, a za parańnie z prafiesijanałam na praciahu 90 chvilin pryjdziecca zapłacić 100 rubloŭ.
Kamientary
nie?