Im stanie «Kijeŭ».
Pieršy ŭ Biełarusi ličbavy kinateatr, a im stanie «Kijeŭ», adkryjecca ŭ Minsku ŭ pačatku studzienia 2010 hoda. Pra heta paviedamiŭ namieśnik hienieralnaha dyrektara UP «Kinavideaprakat» Siarhiej Drožžynaŭ.
Praviedzieny ŭžo adkryty konkurs na pastaŭku ličbavaha abstalavańnia. Ličbavy prajektar pastavić hiermanskaja kampanija «Kinaton» — zakanadaŭca mody ŭ śviecie kinaprajekcyjnaj techniki. A technałohiju trochmiernaha pakazu dolbi 3D zabiaśpiečyć abstalavańnie amierykanskaj vytvorčaści. «Abstalavańnie prybudzie da siaredziny śniežnia, i adrazu ž pačniecca jaho mantaž i naładka», — skazaŭ subiasiednik, udakładniŭšy, što intehrataram abstalavańnia vystupić biełaruskaja kampanija «Art Ramas Studyjo».
Svoj 40‑hadovy jubilej, jaki prypadaje na 2010 hod, staličny kinateatr «Kijeŭ» sustrenie prykmietna abnoŭlenym. Užo zavieršany kapitalny ramont fasada budynka (zastałosia tolki čystavoje farbavańnie), zamienieny vokny. Stvorana biezbarjernaje asiarodździe. Źmienicca taksama interjer faje i zały.
Kapramont kinateatra vykanany za srodki UP «Kinavideaprakat» i haradskoha biudžetu. Abstalavańnie (ahulny košt kala Br800 młn.) budzie nabyta za ŭłasnyja srodki pradpryjemstva.
Što ž datyčycca koštu biletaŭ na ličbavaje kino, to jon budzie krychu daražejšy — u miežach Br15 tys. «Ličbavaje abstalavańnie amal u čatyry razy daražejšaje za kinaplonačnaje. Ale ž heta zusim novy ŭzrovień kinapakazu», — rastłumačyŭ subiasiednik.
Ukaranieńnie inavacyjnych technałohij u kinateatrach horada praduhledžana prahramaj raźvićcia kinasietki stalicy na 2008‑2012 hady, adobranaj Minharsavietam. U płanach staličnaha kinavideaprakatu — madernizavać i kapitalna adramantavać da 2012 hoda 11 kinateatraŭ. Realizacyja prahramy, a na heta spatrebicca amal Br70 młrd., daść mahčymaść pavysić efiektyŭnaść raboty staličnych kinateatraŭ i admovicca ad biudžetnaha finansavańnia.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary