Niekatoryja minskija škoły ŭvodziać adziny styl adzieńnia dla nastaŭnikaŭ
Paetapnaje ŭviadzieńnie školnaj formy praciahniecca ŭ minskich škołach u novym navučalnym hodzie. Havorka pra ŭkaranieńnie ŭžo druhoha adzinaha elemienta ŭ kaściumie vučnia. Taksama niekatoryja škoły ŭvodziać adziny styl adzieńnia dla piedahohaŭ. Pra heta «Minsk-Navinam» raskazaŭ staršynia kamiteta pa adukacyi Minharvykankama Andrej Stryhielski.
— My źviartajem uvahu kiraŭnikoŭ škoł i himnazij: letam nieabchodna pravieści šyrokuju infarmacyjnuju kampaniju pa abmierkavańni mahčymych elemientaŭ školnaj formy, jakija buduć uvodzicca ź vieraśnia, — adznačyŭ Stryhielski.
Staršynia kamiteta raskazaŭ, jak pavinien vyhladać vučań staličnaj škoły i himnazii ŭ 2023/2024 navučalnym hodzie.
— Niama strohaha patrabavańnia. Havorka idzie pra paetapny, hod za hodam, pierachod na aficyjna-dziełavy styl, — skazaŭ čynoŭnik. — Letaś va ŭstanovach byŭ uviedzieny niejki abaviazkovy elemient, jaki adroźnivaje vučniaŭ škoły ad inšych. Naprykład, kamizelka.
U hetym hodzie škoła pavinna pajści dalej: nastupnym elemientam moža stać pinžak peŭnaha koleru abo fasonu, štany, halštuk ci niešta jašče.
Jość prykłady ŭstanoŭ, dzie ŭžo pryjšli da adzinaha kamplekta školnaha adzieńnia, i takich u Minsku šmat. Važna pravodzić šyrokuju infarmacyjnuju kampaniju, u tym liku ŭ internecie, kab byli znojdzienyja takija padychody, jakija zadavolać i dziaciej, i baćkoŭ.
Śpikier taksama padkreśliŭ, što kožnaja škoła maje ŭłasnuju abaviazkovuju emblemu.
— Z adnaho boku, heta admietny znak, a z druhoha — dapamoha ŭ farmavańni i vychavańni ŭ vučniaŭ pačućcia honaru za svaju ŭstanovu. Heta spryjaje zhurtavańniu kalektyvu, — skazaŭ Stryhielski.
Što tyčycca źniešniaha vyhladu nastaŭnikaŭ, to surazmoŭca adznačyŭ: u dačynieńni da piedahohaŭ daŭno zamacavanaja norma pa aficyjna-dziełavym styli, i jana vykonvajecca.
— Ale niekatoryja škoły pryjšli da taho, što pacichu ŭvodzicca adziny styl adzieńnia dla piedahohaŭ. Heta dziełavyja kaściumy peŭnaha koleru abo admietny elemient, — padkreśliŭ Stryhielski.
Kali Kanapackaja stała padkantrolnaja Łukašenku? Raskazvajuć jaje siabry8
Kamientary
a s točki zrenija mianta usie dałžny być jak mianty