Nieŭzabavie apublikujuć 30 unikalnych fota Janki Kupały, siarod jakich zdymak z maci
30 zabytych fotazdymkaŭ Janki Kupały z davajennaha druku, u tym liku zdymak paeta, kali jamu było ŭsiaho dva hady, buduć apublikavanyja ŭ Biełarusi. Časopis «Rodnaje słova», anansujučy padpisku na nastupnaje paŭhodździe, paabiacaŭ apublikavać unikalnyja fota ŭ lipieńskim numary, piša «Kamsamolskaja praŭda».
Jak viadoma, dom Janki Kupały zhareŭ razam z usim archivam i vielizarnaj biblijatekaj z dvaccaci tysiač knih užo na treci dzień vajny. Tamu fotazdymkaŭ Kupały zastałosia mała. Zatoje niekatoryja zdymki možna adšukać u hazietach i časopisach davajennaha času. Što i zrabiŭ daśledčyk biełaruskaj litaratury Siarhiej Šapran, adabraŭšy 30 unikalnych kadraŭ z žyćcia pieśniara.
Daśledavańnie Šaprana «U pošukach biezzvarotna stračanaha. Nieviadomyja fatahrafii Janki Kupały i jahonych baćkoŭ, pra jakija zabylisia na cełaje stahodździe» jakraz i źbirajecca apublikavać u lipieni časopis «Rodnaje słova».
Pry hetym adzin sa zdymkaŭ abiacaje stać sapraŭdnaj siensacyjaj: na im maleńki budučy paet, jakomu ŭsiaho dva hady, razam ź siastroj i baćkami.
Da hetaha času ličyłasia, što fota baćki paeta Daminika Anufryjeviča nie zachavałasia — jahonaje abličča było viadomaje tolki pa malunkach plamieńnika Kupały. Dy i fota samoha paeta isnavała da siońniašniaha času tolki adno — u šaścihadovym uzroście.
Nie było viadoma i pra fotazdymki Kupały z maci. A zaraz buduć apublikavanyja nie tolki zdymki paeta razam ź Bianihnaj Ivanaŭnaj, ale i nieviadomyja kadry ź Jakubam Kołasam i Barysam Pastarnakam.
Taksama daśledčyk znajšoŭ unikalnaje fota paeta za pracoŭnym stałom — redki zdymak aŭtarstva I. Kaplinskaha, pra jaki nie ŭspaminali bolš za vosiemdziesiat hadoŭ.
Vyjšaŭ na svabodu 76-hadovy Siamion Dobkin, brat zasnavalnika EPAM6
Vyjšaŭ na svabodu 76-hadovy Siamion Dobkin, brat zasnavalnika EPAM
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1313
Kamientary