Ukrainskaja čyhunka testuje žanočyja kupe — voś jakaja reakcyja
Prodaž kvitkoŭ u pieršyja kupe dla žančyn Ukrainskaja čyhunka pačała 12 červienia.
Čatyry rejsy z žanočymi kupe ŭžo zrabili poŭny kruh pa maršrucie, jak paviedamlaje «Ukrzaliźnicia» (Ukrainskaja čyhunka).
«Inicyjatyvu pryniali vielmi stanoŭča va ŭsich haradach startu, a heta Charkaŭ, Dniepr, Kryvy Roh, Kijeŭ, Užharad, Jasinia, Truskaviec i niekalki dziasiatkaŭ haradoŭ na maršrucie. «Uvarvańniaŭ» i pravakacyj, jakija nam dzie-nidzie aktyŭna abiacali, nie zafiksavana», — paviedamili va Ukrainskaj čyhuncy.
Niekalki kvitkoŭ u žanočyja kupe było pamyłkova pradadziena mužčynam.
«My ŭžo znajšli pryčynu i likvidavali jaje, a chłopcaŭ i dziaŭčat pa ŭzajemnaj zhodzie rassadzili pa asobnych kupe», — patłumačyli situacyju.
Ukrainskaja čyhunka adznačaje, što cana vahonaŭ z žanočymi kupe nijak nie vyšejšaja, sami hetyja kupe taksama nie adroźnivajucca («kab nie stvarać adčuvańni štučnych pryvilejaŭ»).
Kvitki ŭ žanočyja kupe pradajuć tolki ŭ dadatku Ukrainskaj čyhunki.
Pietycyju ab stvareńni takich kupe Kabiniet ministraŭ Ukrainy zarehistravaŭ u mai.
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla7
Kamientary