3 lipienia staŭ samym haračym dniom na płaniecie ŭ historyi nazirańniaŭ
Heta rekord za ŭsiu historyju rehularnych navukovych nazirańniaŭ, jakija viaducca z kanca XIX stahodździa, jak piša Bi-bi-si.
Paniadziełak, 3 lipienia 2023 hoda, akazaŭsia, pa padlikach mietearołahaŭ, samym haračym dniom u historyi: siaredniaja tempieratura na ŭsioj płaniecie ŭ hety dzień pabiła rekord, ustalavany siem hadoŭ tamu.
Jak abviaścili navukoŭcy z amierykanskaha Nacyjanalnaha centra prahnazavańnia navakolnaha asiarodździa, 3 lipienia siaredniesuśvietnaja tempieratura dasiahnuła 17,01 hradusa pa Celsii. Raniejšy rekord, zafiksavany ŭ žniŭni 2016 hoda, składaŭ 16,92 hradusa.
Navukoŭcy ŭdakładniajuć, što, stroha kažučy, 3 lipienia staŭ samym haračym dniom z 1979 hoda, kali pačaŭsia spadarožnikavy manitorynh nadvorja. Ale jany ŭpeŭnienyja, što heta rekord i za ŭsiu historyju rehularnych navukovych nazirańniaŭ, jakija viaducca z kanca XIX stahodździa.
Červień hetaha hoda staŭ, pa padlikach mietearołahaŭ, samym ciopłym červieniem na płaniecie za ŭsiu historyju nazirańniaŭ. Navukoŭcy miarkujuć, što ŭstalavańniu novych tempieraturnych rekordaŭ ciapier spryjaje spałučeńnie ahulnaj źmieny klimatu praz vykidy parnikovych hazaŭ i pačatak pryrodnaj źjavy El-Nińjo.
El-Nińjo — heta najmacniejšaja pryrodnaja źjava, pieryjadyčnaje pavyšeńnie tempieratury vady ŭ ekvataryjalnaj i paŭdniovaj častcy Cichaha akijana. Jano ŭpłyvaje na klimat na ŭsioj płaniecie. U apošni raz El-Nińjo («chłopčyk» na ispanskaj movie) prychodziŭ u 2016 hodzie. Ciapier jon, na dumku navukoŭcaŭ, viartajecca.
Sioleta ŭžo była rekordnaja viasnovaja śpioka ŭ Ispanii i mnohich azijackich krainach, zatym — anamalnaje pavyšeńnie tempieratury vady ŭ roznych častkach Suśvietnaha akijana, naprykład, u Paŭnočnym mory. U červieni rekordnaja śpiakota nakryła paŭnočny ŭschod Kitaja: u Piekinie ŭpieršyniu za 60 hadoŭ zarehistravali plus 41.
Jak paviedamlaje ahienctva Reuters, u Antarktycy, na ŭkrainskaj stancyi «Akademik Viarnadski» ŭ lipieni zarehistravali novy rekord — plus 8,7 hradusa pa Celsii. U Antarktydzie ciapier zima. Praŭda, ukrainskaja stancyja znachodzicca davoli daloka ad Paŭdniovaha polusa, na paŭvostravie ŭ akijanie ŭ bok Paŭdniovaj Amieryki.
«Toje, što siaredniaja tempieratura pavierchni płaniety dasiahnuła 17 hradusaŭ upieršyniu za toj čas, datyčna jakoha ŭ nas jość nadziejnyja źviestki, — heta charakternaja viacha ŭ historyi paciapleńnia ŭ śviecie, — kaža mietearołah Leon Sajmans. — Ciapier, kali jašče i pačynajecca ciopłaja faza El-Nińjo, u nastupnyja paŭtara hoda možna čakać šmat novych rekordnych dzion i miesiacaŭ i rekordu hadavoj tempieratury».
«Isnuje imaviernaść, što lipień stanie samym haračym lipieniem i samym haračym miesiacam u historyi, — zhodny navukoviec ź Lejpcyhskaha ŭniviersiteta Karsten Chaŭštajn. — U historyi — heta značyć z časoŭ Ejemskaha mižlednikoŭja, jakoje było 120 tysiač hadoŭ tamu».
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary