Mark Mackievič z Navapołacka niadoŭha byŭ adzinym chłopcam, jaki nabraŭ na sioletnim CT 400 bałaŭ. Takich jość jašče jak minimum dvoje
Učora paviedamlałasia, što Mark Mackievič z Navapołacka nabraŭ maksimalnyja 400 bałaŭ na centralizavanym testavańni. U toj čas joj byŭ adzinym viadomym chłopcam, jaki sioleta dasiahnuŭ takoha vyniku (try astatnija byli dziaŭčatami). Ale vyjaviłasia, što takich chłopcaŭ jość jašče jak minimum dvoje — Dzianis Kahukin z Połacka i Raman Kandracienia z Hancavič.
Vučań Połackaj dziaržaŭnaj himnazii №1 imia Francyska Skaryny sioleta atrymaŭ pa 100 bałaŭ na centralizavanych ekzamienach pa biełaruskaj movie i matematycy. Jašče 100 bałaŭ jamu naležyć jak pieramožcu zaklučnaha etapu Respublikanskaj alimpijady pa fizicy pry pastupleńni na profilnuju śpiecyjalnaść, plus taki ž siaredni bał atestata, pamnožany na dziesiać.
U kamientary dla «Nastaŭnickaj haziety» Dzianis raskazaŭ, što jon dalej źbirajecca rabić pry takich bliskučych vynikach:
«Papraŭdzie, jašče dakładna nie vyznačyŭsia. Pierachodziačy ŭ starejšyja kłasy, ja ćviorda vyrašyŭ, što vučycca dalej budu ŭ Biełarusi. A voś z vybaram univiersiteta składana, u kožnym jość svaje pieravahi.
Chutčej za ŭsio, majoj alma-matar stanie BDUIR, bo cikavić prahramnaja inžynieryja. Ale i fizikaj chacieŭ by praciahnuć zajmacca, asabliva ekśpierymientalnaj.
Moža, atrymajecca znajści niešta novaje i karysnaje ŭ chodzie daśledavańniaŭ na sutyku roznych navuk abo raźvivacca ŭ napramku infarmacyjnych technałohij, stvaryć značny dla hramadstva prahramny pradukt. Čas pakaža».
U svaju čarhu, vypusknik himnazii horada Hancavičy Raman Kandracienia mieŭ atestat sa 100 bałami, na 100 bałaŭ zdaŭ centralizavanyja ekzamieny pa ruskaj movie i matematycy, a jašče «sotku» atrymaŭ pa vynikach centralizavanaha testavańnia pa fizicy.
Raniej stała viadoma, što maksimalnyja 400 bałaŭ na testavańni nabrali Mark Mackievič z Navapołacka, Palina Dyčak ź Lidy, Volha Druščyc z Žabinkaŭskaha rajona i Milena Vaśko z Mazyra. Hiendarny bałans, takim čynam, vyraŭniaŭsia — na ciapier siarod viadomych nam 400-balnikaŭ pa troje chłopcaŭ i dziaŭčat.
Rektar Połackaha ŭniviersiteta pryznaŭ, što bolšaść vykładčykaŭ u 2020-m padtrymali pratesty
«Možacie nie ŭstupać, ale navošta baćkam marnavać hrošy na arendu kvatery?» U MDŁU pałochajuć, što biez členstva ŭ prafsajuzie i BRSM nie zasielać u internat
«Dačka maryła stać nastaŭnikam historyi, a siońnia maryć źjechać z krainy». Baćki biełaruskich školnikaŭ raskazali, jakija płany ciapier u ichnich dziaciej
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič7
Kamientary