Pradajuć z małatka majomaść niekali najbujniejšaj budaŭničaj arhanizacyi Homiela
Kaliści najbujniejšaja budaŭničaja arhanizacyja Homielščyny pradaje svaju majomaść za daŭhi. Što siońnia zastałosia ad byłoj vieličy, možna ŭbačyć u fotahalerei na sajcie biełaruskaha kanfiskatu, piša «Fłahštok».
Na sajcie kanfiskavanaj nieruchomaj majomaści vystaŭleny na prodaž administracyjny budynak pa vulicy Žarkoŭskaha, 22a ŭ Homieli. Pačatkovaja cana aŭkcyjonu za piacipaviarchovy budynak ahulnaj płoščaj 2792,2 kv. m składaje 3 580 200 rubloŭ.
Kapitalny budynak naležyć AAT «Homielprambud», tut raźmiaščałasia zavodaŭpraŭleńnie arhanizacyi. Budynak byŭ pabudavany ŭ 1986 hodzie, apošniaja rekanstrukcyja pravodziłasia ŭsiaho hod tamu. U apošni čas pamiaškańni, raźmieščanyja ŭ budynku, prapanoŭvalisia ŭ arendu pad ofisy.
Majomaść była kanfiskavanaja za nievykanańnie pradpryjemstvam padatkovych abaviazacielstvaŭ. AAT «Homielprambud» niaźmienna znachodzicca ŭ śpisie daŭžnikoŭ pierad padatkovymi orhanami z červienia 2018 hoda.
AAT «Homielprambud» — pravapierajemnik najstarejšaha budaŭničaha tresta Homielskaj vobłaści, utvoranaha jašče ŭ 1938 hodzie. U 1968 hodzie pradpryjemstva było ŭznaharodžana ordenam Pracoŭnaha Čyrvonaha Ściaha, jakoje da hetaha času fihuruje ŭ poŭnaj naźvie arhanizacyi. Akramia «Homielprambuda», u Homieli takoha zvańnia ŭdastojvaŭsia tolki «Homsielmaš».
Takija bujnyja budaŭničyja arhanizacyi Homiela, jak Homielski DBK, budaŭničyja tresty №14 i №27, u svoj čas taksama zaradzilisia ŭ nietrach hetaj arhanizacyi i paśla byli vyłučanyja ŭ samastojnyja haspadarčyja subjekty. Jak i «Homielprambud», budaŭničyja tresty siońnia taksama raspradajuć svaju majomaść.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary