Прадаюць з малатка маёмасць некалі найбуйнейшай будаўнічай арганізацыі Гомеля
Калісьці найбуйнейшая будаўнічая арганізацыя Гомельшчыны прадае сваю маёмасць за даўгі. Што сёння засталося ад былой велічы, можна ўбачыць у фотагалерэі на сайце беларускага канфіскату, піша «Флагшток».
На сайце канфіскаванай нерухомай маёмасці выстаўлены на продаж адміністрацыйны будынак па вуліцы Жаркоўскага, 22а ў Гомелі. Пачатковая цана аўкцыёну за пяціпавярховы будынак агульнай плошчай 2792,2 кв. м складае 3 580 200 рублёў.
Капітальны будынак належыць ААТ «Гомельпрамбуд», тут размяшчалася заводаўпраўленне арганізацыі. Будынак быў пабудаваны ў 1986 годзе, апошняя рэканструкцыя праводзілася ўсяго год таму. У апошні час памяшканні, размешчаныя ў будынку, прапаноўваліся ў арэнду пад офісы.
Маёмасць была канфіскаваная за невыкананне прадпрыемствам падатковых абавязацельстваў. ААТ «Гомельпрамбуд» нязменна знаходзіцца ў спісе даўжнікоў перад падатковымі органамі з чэрвеня 2018 года.
ААТ «Гомельпрамбуд» — правапераемнік найстарэйшага будаўнічага трэста Гомельскай вобласці, утворанага яшчэ ў 1938 годзе. У 1968 годзе прадпрыемства было ўзнагароджана ордэнам Працоўнага Чырвонага Сцяга, якое да гэтага часу фігуруе ў поўнай назве арганізацыі. Акрамя «Гомельпрамбуда», у Гомелі такога звання ўдастойваўся толькі «Гомсельмаш».
Такія буйныя будаўнічыя арганізацыі Гомеля, як Гомельскі ДБК, будаўнічыя трэсты №14 і №27, у свой час таксама зарадзіліся ў нетрах гэтай арганізацыі і пасля былі вылучаныя ў самастойныя гаспадарчыя суб'екты. Як і «Гомельпрамбуд», будаўнічыя трэсты сёння таксама распрадаюць сваю маёмасць.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары