Za pieršyja dva tydni nastupleńnia Ukraina straciła da 20% pastaŭlenaj na front vajskovaj techniki — The New York Times
Za pieršyja dva tydni ŭkrainskaha nastupleńnia USU nibyta stracili da 20% vajskovaj techniki, uklučajučy zachodnija tanki i bronietransparciory, jakija ŭdzielničali ŭ bajavych dziejańniach, paviedamiła hazieta The New York Times sa spasyłkaj na amierykanskich i jeŭrapiejskich čynoŭnikaŭ.
Sa słoŭ surazmoŭcaŭ vydańnia, paśla pieršaha ŭdaru, u vyniku jakoha USU panieśli značnyja straty, ukrainskija vajskoŭcy zamarudzili nastupleńnie, kab acanić abstanoŭku. U nastupnyja tydni, jak śćviardžajuć krynicy haziety, ukrainskaje kamandavańnie źmianiła taktyku, a bajavyja straty Ukrainy značna źnizilisia, što dazvoliła USU zachavać bolš vojskaŭ i techniki dla majučaha adbycca bujnoha ŭdaru.
Ciapier, pavodle haziety, USU zasiarodzilisia na źniasileńni rasijskaj armii, u tym liku z dapamohaj rakietnych i artyleryjskich udaraŭ pa tyle. Pry hetym tempy nastupleńnia źnizilisia, a na šerahu kirunkaŭ jano i zusim spyniłasia.
The New York Times padkreślivaje, što pakul rana rabić vysnovy ab kontrnastupleńni. Sa słoŭ byłoha pamočnika hienieralnaha sakratara NATA Kamila Hranda, straty USU i źnižeńnie tempaŭ prasoŭvańnia nie aznačajuć, što nastup «asudžany na pravał».
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary