Vykłali na ladoŭni abrevijaturu FSB, zamarozili kata. Jak rasijskija śpiecsłužby psujuć žyćcio zamiežnym dypłamatam
MZS Rasii ŭviało abmiežavańni na pajezdki brytanskich dypłamataŭ pa krainie: ciapier, kab adpravicca za miežy 120-kiłamietrovaj «zony svabodnaha pieramiaščeńnia», jany pavinny paviedamić MZS za piać dzion i pakazać padrabiazny płan padarožža.
Usia hetaja stamlajučaja vałtuźnia z papierami budzie adymać čas, ale litary Vienskaj kanviencyi MZS Rasii nie parušaje. Nasamreč heta — tolki adzin sa sposabaŭ sapsavać žyćcio dypłamatam, piša Bi-bi-si.
Možna, naprykład, zaciahvać vydaču im viz. Možna bolš-mienš aktyŭna sačyć za imi dy ich siamiejnikami.
Adna dypłamatka raspaviadała, što, kali jana niejak viarnułasia ŭviečary dadomu, to pabačyła, što litary na mahnicikach na jaje ladoŭni byli pieraŭtvoranyja ŭ abrevijaturu FSB.
Inšaja znajšła svajho kata zamierzłym naśmierć na vulicy — jana padazraje, što jaho chtości naŭmysna vykinuŭ z kvatery.
U tym, što aŭtarytarnyja krainy imknucca ŭskładnić žyćcio zamiežnym dypłamatam, niama ničoha niezvyčajnaha. Časta heta prosta «ŭvachodzić u prahramu», zaklučaje Bi-bi-si.
Hanna Kanapackaja patłumačyła, čamu nie vydalaje zdymki z BČB-simvolikaj z sacsietak. Vy budziecie śmiajacca5
Kamientary