Padčas praviadzieńnia kompleksu apieratyŭna‑vyšukovych mierapryjemstvaŭ supracoŭnikami kryminalnaha vyšuku Frunzienskaha RUUS Minska ŭ noč z 29 na 30 listapada na vulicy Kuncaŭščyna zatrymany 23‑hadovy niepracujučy minčanin, jaki padazrajecca va ŭčynieńni sieryi napadaŭ na žančyn z metaj sieksualnaha damahańnia.
Jak paviedamili ŭ HUUS Minharvykankama, supraćpraŭnyja dziejańni zatrymany ŭčyniaŭ pieravažna ŭviečary i ŭnačy ŭ rajonie stancyi mietro «Kamiennaja Horka». Na prypynkach hramadskaha transpartu jon vyhladaŭ maładych žančyn, jakija viartalisia damoŭ adny, i supravadžaŭ ich da padjezda. Kali žančyna ŭvachodziła ŭ padjezd, złamyśnik išoŭ za joju. Pierakanaŭšysia ŭ adsutnaści pabočnych, razam z achviaraj zachodziŭ u lift paśla čaho z prymianieńniem hvałtu ŭčyniaŭ u dačynieńni da jaje roznyja raspusnyja dziejańni sieksualnaha charaktaru. Nijakich inšych metaŭ napadnik nie mieŭ: usie kaštoŭnaści i rečy paciarpiełych zastavalisia pry ich.
Ciapier u dačynieńni da padazravanaha raspačata sprava pa č. 2 art. 339 Kryminalnaha kodeksa (chulihanstva).
U milicyi pryniaty zajavy ad dzieviaci žančyn, paciarpiełych ad dziejańniaŭ hetaha čałavieka. Adnak u milicyi jość padstavy mierkavać, što zatrymany maje dačynieńnie da ŭčynieńnia padobnych złačynstvaŭ na terytoryi inšych rajonaŭ horada, a samich paciarpiełych moža być značna bolš.
Kamientary