Na bierazie vadaschovišča Drazdy pabudavali niezvyčajny budynak. Što ŭ im
U kancy 2022 hoda šmatfunkcyjanalny centr Helen & Valery Plaza ŭviali ŭ ekspłuatacyju. Vyhladaje jon sučasna, jość niezvyčajnyja architekturnyja elemienty — naprykład, dva pavierchi ŭ adnym kryle byccam parać u pavietry, nie abapirajučysia na kałony. Onlíner pabyvaŭ tam.
Šmatfunkcyjanalny kompleks Helen & Valery Plaza budavała adnajmiennaja kampanija, viadomaja biełarusam pa sietcy mahazinaŭ duty free. Prapisaŭsia novy budynak pa adrasie zavułak Vieśninka, 16. Heta amal na praśpiekcie Pieramožcaŭ, na bierazie vadaschovišča Drazdy.
Valeryj, kiraŭnik kampanii, raskazvaje, što prajektavać kompleks pačali ŭ 2018-m:
— Nam spadabalisia raboty mižnarodnaha architekturnaha biuro Piuarch. Jany rabili, naprykład, ofisy i kramu dla Dolce & Gabbana u Italii, pracavali i ŭ Rasii, naprykład, u Pieciarburhu. Kiraŭnik architekturnaha biuro prylataŭ u Minsk, ahladaŭ miesca i padkazaŭ šmat kaštoŭnych idej.
Architekturna-płanirovačnaje rašeńnie na asnovie idei italjancaŭ vykonvała biełaruskaja majsternia Barysa Školnikava.
U pačatku žniŭnia 2020 hady na placoŭku vyšli budaŭniki. Budynak uviali ŭ ekspłuatacyju ŭ kancy śniežnia 2022-ha.
U Helen & Valery raspaviadajuć: chaciełasia nie prosta ŭźvieści funkcyjanalny budynak dla arhanizacyj, a ŭ pieršuju čarhu stvaryć ź jaho dapamohaj pryvabnaje asiarodździe, jakoje ŭpryhožvaje abličča horada. Kancepcyja prajektu naradziłasia z charaktaru samoj terytoryi. Heta miesca styku ŭrbanizavanaha asiarodździa praśpiekta Pieramožcaŭ i pryrodnaha, naturalnaha — uźbiarežža vadaschovišča Drazdy.
Kompleks składajecca z dvuch častak (u adnoj čatyry pavierchi, u druhoj — try), abjadnanych ahulnym styłabatam. Jość bielvieder — tak zavuć naziralnuju placoŭku, da jakoj viaduć efiektnyja biełyja ŭschody.
— Bielvieder adkryty dla haradžan, — praciahvaje Valer. — My rady, što ludzi prychodziać siudy. Naprykład, učora tut było šeść viasielnych par, a adnojčy ŭ subotu — vosiem adnačasova.
Hetaje miesca ablubavała i moładź: pakul karespandenty tut byli z ekskursijaj, paśpieli ŭbačyć niekalki kampanij — padobna, u kahości dadałosia ŭdałych fota ŭ Instagram.
Pieršy pavierch zajmajuć administracyjna-kamiercyjnyja pamiaškańni. Naprykład, tam adkryjecca adździaleńnie «Alfa Banka», sałon premijalnych aŭtamabilaŭ, interjerny šourum.
Druhi i treci pavierch zojmuć ofisy. Na čaćviortym raźmiaścilisia apartamienty. Jość jašče adzin pavierch: z boku vadaschovišča jon ličycca pieršym, a z centralnaha ŭvachodu — minus pieršym, tam adkryjecca restaran. Jość i inšyja kamiercyjnyja placy.
— Nie było aściaroh, što ŭ Miensku nie budzie zapatrabavanym jašče adzin ofisny budynak? Bo ich ciapier chapaje.
— Aściarohi byli, ale jany nieŭzabavie źnikli ŭ suviazi z tym, što abjekt znachodzicca ŭ takoj jarkaj łakacyi. Dy i architektura niazvykłaja dla našaha rynka. Da taho ž my praktyčna vyklučyli kalidory — pamiaškańni cikavyja z punktu hledžańnia karysnaj płoščy.
Popyt byŭ vialiki, na dadzieny momant užo zaniata prykładna 85% placaŭ. Ułaśniki niešta addajuć u arendu, niešta pradajuć.
— My z samaha pačatku ŭbačyli vialiki popyt u klijentaŭ, biez anijakaj rekłamy. Siudy pryjšli nie tolki biełarusy, ale i zamiežniki: kampanii z Rasii, Emirataŭ.
Na ŭvachodach — sistema raspaznańnia asob.
— Na liftach stajać abmiežavalniki. Naprykład, na treci pavierch, kali jon uvieś vaš, nichto inšy patrapić nie zmoža. Dostup — pa karcie, telefonach, smart-hadzińnikach i hetak dalej.
Vyšynia stolaŭ na pieršych pavierchach — 4,6 mietra, na tych, što vyšej, — pa 3,6.
Voś tak vyhladajuć apartamienty. Pa zakonie ŭ takich pamiaškańniach možna žyć, ale zarehistravacca nielha. Zrešty, heta naŭrad ci prablema dla ŭłaśnikaŭ, jakija mohuć sabie dazvolić taki kutok u prestyžnym miescy.
Na pieršym paviersie z boku vadaschovišča — budučyja pamiaškańni restarana.
— Idzie pošuk arandatara. Chočacca pryvieści siudy pryhožy premijalny restaran, ciapier heta niaprostaja zadača.
Adsiul budzie vychad u bok vady, častku zialonaj zony pakinuli pad budučuju terasu. Taksama jość techprajezd dla padvozu praduktaŭ.
Va ŭžo zaniatych pamiaškańniach ciapier iduć ramonty. Čakajecca, što kampanii zajeduć u kompleks u listapadzie-śniežni 2023-ha.
Zrešty, niekatoryja navasioły tut užo abžylisia. Na pieršym uzroŭni trochpaviarchovaj častki raźmiaściŭsia ofis Biełaruskaj asacyjacyi himnastyki, na druhim — placoŭka «Miedyjadom», jakoj taksama vałodaje asacyjacyja. Treci pavierch himnasty buduć zdavać u arendu.
Darečy, mienavita ŭ hetym kryle dva pavierchi svabodna vystupajuć z budynka.
— Takaja płatforma — zadumka italjancaŭ, biełarusy kazali, što heta niemahčyma. Italjancy skinuli svaje prajekty pa ŭsim śviecie, dzie vynosilisia i płatformy pa 45 mietraŭ, a tut, zdajecca, 25. Skazali, što ŭsio mahčyma, treba tolki raźličyć. U vyniku našy inžyniery i architektary raźličyli – i ŭsio atrymałasia.
Usiaredzinie pamiaškańniaŭ druhoha i treciaha paviercha možna ŭbačyć kanstrukcyi, dziakujučy jakim płatforma šmat u čym i trymajecca ŭ pavietry.
Z boku vadaschovišča kampanija Helen & Valery dobraŭparadkavała terytoryju.
Źjaviŭsia hramadski sad, zasadžany jabłyniami, ślivami, hrušami. Jość i aleja sakury. Mabyć, budzie cikavaje miesca, kali pryjdzie čas źbirać uradžai.
— Płanujem jašče pabudavać pirs, ale heta pakul na ŭzhadnieńni.
Minskamu biznesmienu Saŭryckamu i jahonaj siamji pahražaje pa 12 hadoŭ za «raspalvańnie varožaści»2
Kamientary
https://nashaniva.com/323994