Vajna88

«Byccam nie dvaccać za dzień stracili». Rasijski frantavik raskryvaje realnyja ličby strat

Błohier-frantavik Trynaccaty praciahvaje krytykavać rasijskuju prapahandu, kamandavańnie. I sumuje, što Pryhožyn nie dajšoŭ da Maskvy.

Błohier "Trynaccaty" Błohier "Trinadcatyj" Blogger "Thirteenth"
Błohier «Trynaccaty». Stopkadr videa telehram-kanału Separ13_13

Rasijski frantavik i błohier u apošnija dni abrynuŭ svoj hnieŭ na žurnalistaŭ, jakija, maŭlaŭ, u čarhovy raz «prykryvajuć dupy svaim lubimym papikam-kamandziram».

Jon adznačaje, što ŭ internecie pakazali kadry «zachoplenaj» nataŭskaj zbroi i paviedamili, što bierah Dniapra całkam začyščany, Uzbrojenyja siły Ukrainy (USU) vybityja z zajmanych pazicyj, a taksama źniščana sto piaćdziasiat ukrainskich sałdat.

«Dy što vy cyrymoniciesia? Pišycie trysta! A lepš za piaćsot! Navošta papieru škadavać? Nie, rabiaty, davajcie abjektyŭna! Pakažycie trupy! Pakažycie dakumienty (kali jość), pałonnych pakažycie, a nataŭskaj zbrojaj vy łochaŭ tolki možacie ździvić. Z pačatku SVA jaje ŭžo zachapili vielizarnuju kolkaść, i takija pastanovački, uciuchvajcie kamu-niebudź inšamu. Nie treba vydavać žadanaje za sapraŭdnaje. Spynicie pavodzić siabie, jak prastytutki, navučyciesia kazać praŭdu», —

piša błohier i dadaje, što takoje paviedamleńnie «było zroblena ŭ śpiešcy, musić, tamu, što Viarchoŭny Hałoŭnakamandujučy napiaredadni byŭ u Rastovie-na-Donie, u štabie PdVA, i kab nie być pakaranymi, było pryniata rašeńnie, terminova (na žal, tolki na słovach) začyścić naš bierah Dniapra ad vorahaŭ».

22 žniŭnia Trynaccaty paviedamlaje ab ciažkaj situacyi na Chiersonskim napramku i znoŭ krytykuje žurnalistaŭ, jakija prykryvajuć chłuśniu kamandziraŭ:

«Na Chiersonskim napramku robicca poŭny hamon. Murziłku pavysili, jaho novym padnačalenym prynošu svaje hłybokija spačuvańni. Kali tam jość adekvatnyja kamandziry, to Murziłka adnojčy apyniecca pad trybunałam. Čym chutčej, tym lepiej.

Mnohaje chaču skazać, mnohaje chaču napisać. Asabliva ahidna bačyć, jak atestavanyja žurnašluchi prykryvajuć chłuśniu kamandziraŭ, jakija navat sutačnyja straty padzialajuć na tydzień, z pontam, kab nie dakładvać praŭdu navierch. Byccam nie dvaccać za dzień stracili, a za tydzień — dvaccać. Mnie prosta cikava, jakoha ch** vy, hady, tvorycie?»

Krychu paźniej u aŭdyjapaviedamleńni jon udakładniaje, što 20 čałaviek zahinułych — heta tolki «ŭ adnym bataljonie, u adnym padraździaleńni. A kolki ŭvohule paličyć na ŭsiu liniju frontu, to prosta možna pamierci ad hetych ličbaŭ. I ja ničoha nie prydumlaju. Ja kažu, jak jość».

Krytyka hučyć i na adras kiraŭnika Kiraŭskaj haradskoj akruhi ŭ Staŭrapolskim krai, centr jakoha — horad Navapaŭłaŭsk — radzima błohiera.

«Pakul sotni maich ziemlakoŭ zmahajucca na froncie, jon u svaju čarhu ładzić «śviaty» i «dyskateki», heta ŭsio na fonie taho, što z momantu pačatku SVA zahinuli amal try dziasiatki maich ziemlakoŭ. Ja nazyvaju takija dziejańni, jak demaralizacyja hramadstva, inakš nie skažu. Ahidna. Pakul adnyja vajujuć, inšyja viesialacca i nie chočuć zaŭvažać vidavočnaha».

Niezadavolenaść situacyjaj nie tolki ŭ samoha błohiera. Pavodle jaho słoŭ, kolki b jon «ni razmaŭlaŭ z chłopcami z roznych padraździaleńniaŭ, jakija bjucca zaraz na samych pieradavych učastkach frontu, ad usich ja čuju vyklučna adnu frazu: «Lepiej by Pieršy dajšoŭ da Maskvy! My ŭsie vielmi spadziavalisia».

«Pieršym» jany nazyvali Jaŭhiena Pryhožyna, čyjo žyćcio skončyłasia ŭ avijakatastrofie na hetym tydni.

Miarkujučy pa pastach «Trynaccacataha», novy bunt, a to i pachod na Maskvu — heta tolki pytańnie času.

Čytajcie jašče:

«Kabajeva nie paciahnuła, na žal». Rasijskija šavinisty rychtujucca źniščyć tych, chto ich sparadziŭ

Novy kanflikt u rasijskaj armii: frantavik patrabuje rasstrełu hienierała

«Vy tam …anuliś …iadi kriemlevskije?» Rasijskich błohieraŭ i vajenkaraŭ parvała ad naviny pra pieramirje

Kamientary8

  • Biznes Džet
    26.08.2023
    Čuvak imkniecca na kancert Kabzona
  • Tipok Vahnierok
    26.08.2023
    Žhi, Brat! Podtvierždaju, vopros vriemieni.
  • Słava Ukrainie! Žyvie Biełaruś!
    26.08.2023
    Kušajtie, rašysty, kušajtie vdovol, da tak, čtoby na diesiatiletija vam etoho chvatiło, čtoby takim impiercam bolšie NIKOHDA nie chotiełoś lezť v druhije strany, čtoby słovo Ukraina vas srazu žie privodiło v čuvstvo i otbivało vsiakoje žiełanije v buduŝiem sunuť svoj łyč v sosiednije strany!!!

«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9

«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska

Usie naviny →
Usie naviny

Małady chłopiec pierajechaŭ u viosku, zavioŭ kurej z kozami i staŭ zorkaj tyktoku

Stali viadomyja padrabiaznaści žorstkaha zabojstva amierykanskaha Z-błohiera Bentli ŭ Daniecku11

Na rynku nieruchomaści Minska — ažyjataž. Raźbirajuć navat elitnaje žyllo3

Dyrektar biełaruskaj IT-kampanii Gurtam nazvaŭ hałoŭny sakret pośpiechu7

U Barysavie pierabudujuć kinateatr pobač z saboram. Na fasadzie čytajecca brydkaje słova z troch litar14

Sakretnaja słužba ZŠA ŭsurjoz zaniałasia Iłanam Maskam. Usio z-za adnaho tvita2

Bujnoje izrailskaje vydańnie abyhrała proźvišča Sałaŭjova na iŭrycie. Atrymaŭsia žorstki ruski mat3

U Niderłandach adrodziać stvorany biełarusam aŭtamabilny brend1

U Minsku miescami buduć adklučać chałodnuju vadu

bolš čytanych navin
bolš łajkanych navin

«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9

«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska

Hałoŭnaje
Usie naviny →