U Haradku ŭłady vyznačylisia z nazvaju skviera, jaki źjavicca da Dnia biełaruskaha piśmienstva
U lipieni miascovyja ŭłady rajcentra Haradok (Viciebskaja vobłaść), dzie sioleta projdzie CHCHCH Dzień biełaruskaha piśmienstva, abviaścili hramadskaje abmierkavańnie nazvy skviera, dzie staić skulptura hieroja paemy «Taras na Parnasie». Vynikaŭ — usich vykazanych prapanoŭ i kolkaści hałasoŭ — hramadskaści nie paviedamili, i sama apytanka ŭžo źnikła z sajta Haradockaha rajvykankama, a nazva ŭžo zaćvierdžanaja — Vieranicynski skvier.
Pavodle ŭmoŭ abmierkavańnia, žycharam Haradka było prapanavana abo prydumać ułasnuju nazvu, abo padtrymać adnu z vyznačanych vykankamam: Litaraturny skvier, Litaraturnaja altanka, La Parnasa, park CHCHCH Dnia biełaruskaha piśmienstva abo Vieranicynski skvier — u pamiać pra Kanstancina Vieranicyna, aŭtara paemy «Taras na Parnasie», uradženca Haradoččyny. Jak paviedamlaje viciebskaja haradskaja hazieta «Viťbiči», byŭ pryniaty mienavita apošni varyjant. Čamuści vydańnie padaje jaho pa-rusku.
Novuju nazvu naviedvalniki zmohuć pračytać na šyldzie — jana stanie častkaj skulpturnaj kampazicyi na ŭvachodzie ŭ skvier. Kampazicyja budzie «ŭ aryhinalnaj formie kavanaha dreva, stvoł jakoha raście sa stopki staražytnych knih jak simvał taho, što karani našaha naroda mocna nazapašanyja viedami, jakija pieradajucca z pakaleńnia ŭ pakaleńnie». Na hetaje dreva «naniasuć proźviščy tvorčych asob, jakija prasłavili Haradok svaim mastactvam».
Da CHCHCH Dnia biełaruskaha piśmienstva ŭ skviery źjavicca i jašče adzin art-abjekt — u vyhladzie asobnych litar ałfavita, u tym liku litary «Ŭ». Heta aŭtarskaja praca Ihara Siłki, studenta Biełaruskaj akademii mastactvaŭ. Darečy, roŭna 20 hadoŭ tamu pomnik litary «Ŭ» byŭ adkryty ŭ Połacku da Ch Dnia biełaruskaha piśmienstva.
Da sioletnich śviatkavańniaŭ, zapłanavanych na 2-3 vieraśnia, u vizualnym abliččy Haradka źjavilisia i inšyja źmieny. Na ścieny 10-ci budynkaŭ nanieśli malunki z cytatami kłasikaŭ biełaruskaj litaratury, admysłovaja tvorčaja hrupa z rabotnikaŭ ustanoŭ kultury i adukacyi razmalavała vialikija vałuny ŭ navakollach rajcentra i aŭtobusnyja prypynki pa darozie na Astraŭlany — viosku, dzie ŭ 1834 hodzie naradziŭsia Kanstancin Vieranicyn.
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary