U Minsku pradajuć budynak, u jakim pavinien byŭ źjavicca hatel Park Hotel Ocean
Budynak na praśpiekcie Pieramožcaŭ u Minsku, jaki pavinien byŭ stać hatelem Park Hotel Ocean, vystavili na prodaž. Abjava pra heta źjaviłasia na sajcie Centra pramysłovaj acenki, piša Office Life.
Hatel płanavali pabudavać da 2014 hoda — tady ŭ krainie byŭ bum uźviadzieńnia hatelaŭ pierad čempijanatam śvietu pa chakiei. Ale płan budaŭnictva padkarektavali abmiežavańni łandšaftna-rekreacyjnaj zony — pobač raźmieščany zakaźnik «Lebiadziny».
U vyniku prajekt źmianili na turystyčny kompleks z hatelem. Zamoŭca, jakomu daviałosia pierarablać dakumientacyju i značna mianiać prajekt, nie ŭkłaŭsia ŭ adviedzienyja terminy.
U 2016-m, kali budynak byŭ amal hatovy, inviestycyjnaja damova z zamoŭcam była skasavanaja. Pačalisia sudy, zamoŭca budaŭnictva kampanija «Techaprofitsiciinviestmient» pačała praces likvidacyi.
U 2018 hodzie, kali abjekt usio ž byŭ zdadzieny, jon z hatela pieratvaryŭsia ŭ ofisny budynak, u jakim pačali pradavać mietry ŭsim achvotnym.
Abjekt raźmieščany niedaloka ad MKAD u Minsku na praśpiekcie Pieramožcaŭ. Za jaho chočuć 14,7 młn rubloŭ, abo kala $4,3 młn. Pradaviec — «Techaprofitsiciinviestmient». Płošča budynka — amal 5 tys. kvadratnych mietraŭ, a ofisy i kramy, jakija ŭžo tut pracujuć, uklučanyja ŭ ździełku.
Tarhi zapłanavanyja na 16 śniežnia.
Ciapier čytajuć
Centralnuju rolu ŭ arhanizacyi pieramovaŭ z amierykancami adyhraŭ muž Natalli Piatkievič. Čamu jon?16
Kamientary