Žycharoŭ Homielščyny vyklikajuć u prakuraturu, kab uziać abaviazalnictvy ab «naležnych pavodzinach» padčas vybaraŭ
Adzin ź vidaŭ cisku ŭ pieryjad vybarčaj kampanii — masavyja vykliki ŭ prakuraturu žycharoŭ Homielskaj vobłaści, jakija tak ci inakš byli źviazanyja z palityčnaj aktyŭnaściu.
Heta tyja, kaho sudzili pa kryminalnych abo administracyjnych artykułach za ŭdzieł u pratestach suprać falsifikacyi vybaraŭ 2020 hoda, za padpiski na resursy, abvieščanyja «ekstremisckimi», piša Fłahštok.
Akramia taho, viadomyja vypadki, kali takija vykliki ŭ prakuraturu atrymlivali ludzi, jakija majuć šmat štrafaŭ pa linii DAI.
Jak daviedaŭsia «Fłahštok», ludziej prymušajuć padpisvać papiaredžańni ab nieprymalnaści parušeńniaŭ Kryminalnaha kodeksa i Kodeksa ab administracyjnych parušeńniach, abaviazalnictvy nie parušać hramadski paradak. Pavodle słoŭ krynicy, takich vyklikaŭ u prakuraturu moža być pa niekalki dziasiatkaŭ štodnia.
Vykliki adbyvajucca praz pozvu abo pa telefonie. Adnak aktyvisty adznačajuć, što nie varta pieražyvać — heta tolki farmalnaja pracedura, jakuju siłaviki razhladajuć jak «prafiłaktyčnuju akcyju».
Anałahičnuju praceduru prymušali prajści aktyvistaŭ i pierad vybarami 2020 hoda.
Andrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary