Kadravyja źmieny, jakija pravioŭ u piatnicu Alaksandr Łukašenka, krychu amaładzili Saviet ministraŭ. Nivodzin z novapryznačanych nie jość starejšym za papiarednikaŭ.
Usie piać ministraŭ, jakija pakinuli svaje kresły, byli piensijaniery.Ministru infarmacyi Uładzimiru Rusakieviču 62 hady, ministru ekanomiki Mikałaju Zajčanku — 61, ministru abarony Leanidu Malcavu — 60, ministru lasnoj haspadarki Piatru Siamašku — 60, ministru pa padatkach i zborach Hańnie Dziejcy — 55.
Dla paraŭnańnia: Mikałaju Snapkovu — 40, Alehu Pralaskoŭskamu — 46, Uładzimiru Pałujanu — 48, Maryjanie Ščotkinaj — 51, Juryju Žadobinu — 55.
Adzinym piensijanieram va ŭradzie ciapier zastaŭsia 60‑hadovy ministr ŽKH Uładzimir Biełachvostaŭ.
Takim čynam, siaredni ŭzrost biełaruskaha ministra ciapier składaje — 50,9 hadoŭ zamiest raniejšych 53,4.
Najbolš z svaich kaleh na pasadzie znachodzicca ministr justycyi Viktar Hałavanaŭ — až ź śniežnia 2001 hodu.
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni3
Kamientary