Kamanda Łatuški paviedamić MAK imiony bolš jak 150 spartsmienaŭ i funkcyjanieraŭ, źviazanych z vajskovymi strukturami Biełarusi
«Biełaruski spartsmien-dysident zastajecca biezabaronnym», — kanstatavaŭ palityk.
Pra heta paviedamiŭ pradstaŭnik Abjadnanaha pierachodnaha kabinieta Pavieł Łatuška pa vynikach udziełu ŭ II Jeŭrapiejskim kanhresie sportu i turyzmu, piša «Pozirk».
Pavodle palityka, biełaruskija atlety za antyvajennuju pazicyju zaznajuć «padvojnuju dyskryminacyju»: unutry krainy spartsmienaŭ-dysidentaŭ «vyklučajuć sa zbornych, zvalniajuć, uklučajuć u «čornyja śpisy», «sadžajuć u turmu», a pa-za jaje miežami nie dapuskajuć da spabornictvaŭ.
«Biełaruski spartsmien-dysident zastajecca biezabaronnym», — kanstatavaŭ palityk.
Pradstaŭnik Abjadnanaha pierachodnaha kabinieta prapanavaŭ pieraniać dośvied Polščy: pry ŭmovie niejtralnaha statusu dapuskać da spabornictvaŭ biełaruskich atletaŭ z «vyraznaj hramadzianskaj antyvajennaj pazicyjaj», jakija nie finansujucca režymam u Minsku.
Na dumku Łatuški, biełaruskich atletaŭ-dysidentaŭ taksama možna było b dapuskać da mižnarodnych spabornictvaŭ «adrazu, biez zajaŭki» ad toj ci inšaj nacyjanalnaj fiederacyi.
Nahadajem, što ŭčora paviedamlałasia, što Mižnarodny alimpijski kamitet razhledzić rekamiendacyi nakont udziełu biełarusaŭ u turnirach.
Raniej MAK kazaŭ, što spartoŭcy ź Biełarusi i Rasii buduć dapuščanyja da Alimpijady ŭ Paryžy ŭ nastupnym hodzie ŭ niejtralnym statusie pry ŭmovie asudžeńnia imi rasijskaha ŭvarvańnia va Ukrainu. Taksama spartoŭcy nie pavinny pradstaŭlać siłavyja struktury.
Biełarusam nie pakažuć najbujniejšych spartyŭnych spabornictvaŭ novaha siezona — Ejsmant
Kamisija spartoŭcaŭ MAK 1 kastryčnika razhledzić rekamiendacyi pa ŭdziele biełarusaŭ u turnirach
MAK nie dazvoliŭ biełarusam i rasijanam udzielničać u Azijackich hulniach. Jany chacieli zdabyć tam alimpijskija licenzii
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary