Каманда Латушкі паведаміць МАК імёны больш як 150 спартсменаў і функцыянераў, звязаных з вайсковымі структурамі Беларусі
«Беларускі спартсмен-дысідэнт застаецца безабаронным», — канстатаваў палітык.
Пра гэта паведаміў прадстаўнік Аб'яднанага пераходнага кабінета Павел Латушка па выніках удзелу ў II Еўрапейскім кангрэсе спорту і турызму, піша «Позірк».
Паводле палітыка, беларускія атлеты за антываенную пазіцыю зазнаюць «падвойную дыскрымінацыю»: унутры краіны спартсменаў-дысідэнтаў «выключаюць са зборных, звальняюць, уключаюць у «чорныя спісы», «саджаюць у турму», а па-за яе межамі не дапускаюць да спаборніцтваў.
«Беларускі спартсмен-дысідэнт застаецца безабаронным», — канстатаваў палітык.
Прадстаўнік Аб'яднанага пераходнага кабінета прапанаваў пераняць досвед Польшчы: пры ўмове нейтральнага статусу дапускаць да спаборніцтваў беларускіх атлетаў з «выразнай грамадзянскай антываеннай пазіцыяй», якія не фінансуюцца рэжымам у Мінску.
На думку Латушкі, беларускіх атлетаў-дысідэнтаў таксама можна было б дапускаць да міжнародных спаборніцтваў «адразу, без заяўкі» ад той ці іншай нацыянальнай федэрацыі.
Нагадаем, што ўчора паведамлялася, што Міжнародны алімпійскі камітэт разгледзіць рэкамендацыі наконт удзелу беларусаў у турнірах.
Раней МАК казаў, што спартоўцы з Беларусі і Расіі будуць дапушчаныя да Алімпіяды ў Парыжы ў наступным годзе ў нейтральным статусе пры ўмове асуджэння імі расійскага ўварвання ва Украіну. Таксама спартоўцы не павінны прадстаўляць сілавыя структуры.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары