Cichanoŭskaja pryśviaciła premiju Parłamienckaj asamblei NATA biełaruskim žančynam
Siońnia Śviatłana Cichanoŭskaja atrymała premiju ad Parłamienckaj asamblei NATA «Žančyny — za mir i biaśpieku». Jaje ŭručajuć žančynam, jakija ŭnieśli admietny ŭniosak u farmavańnie biaśpiečnaha śvietu.
Cichanoŭskaja pryśviaciła jaje ŭsim biełaruskim žančynam:
Prymajučy siońnia hetuju ŭznaharodu, Cichanoŭskaja skazała, što nie moža nie dumać pra izrailskich mužčyn i žančyn, uziatych u zakładniki terarystami. Jana vykazała spadziavańnie, što ŭsie pałonnyja paśpiachova viernucca dadomu.
«Našyja žančyny — palitviaźni — taksama zakładnicy. Zakładnicy terarystyčnaha režymu Łukašenki. Ich trymajuć biez suviazi sa źniešnim śvietam, da ich nie dapuskajuć advakataŭ i admaŭlajuć u miedyčnaj dapamozie. Heta ŭznaharoda Paliny Šarenda-Panasiuk i inšych žančyn, jak jana.
Natalla Pinčuk, žonka Nobieleŭskaha łaŭreata Alesia Bialackaha, heta i vašaja ŭznaharoda.
Ja sama žonka palitviaźnia i dobra viedaju, jak heta. Takich žančyn, jak my, u Biełarusi tysiačy. I heta taksama ich uznaharoda.
Jość jašče šmat žančyn, chto za mianie hałasavaŭ, i dahetul praciahvaje vieryć u našuju pieramohu. Im usim ja chaču pryśviacić hetuju premiju», — skazała Cichanoŭskaja.
Śviatłana Cichanoŭskaja znachodzicca ciapier ź vizitam u Danii, dzie sustrełasia z kronpryncam i biełaruskaj dyjasparaj.
Milicyja vypadkova apublikavała VIDEA dla ŭnutranaha karystańnia — instrukcyju, jak treba pavodzić siabie z nasielnictvam2
Kamientary
Vy posmotritie na etich "politzaklučiennych" v Izraile.
Naprimier, Marian Barhuti, osuždien izrailskim sudom k 5 požiźniennym zaklučienijam za sovieršionnyje v chodie tieraktov ubijstva 5 čiełoviek, i k 40 hodam za pokušienije na ubijstva.
Vy sravnivajetie paojestinskich bojevikov-tierroristov s politzaklučiennymi v Biełarusi, kotorych posadili za kommientarij v fžjsbukie ili BČB-simvoliku.