Pres-sakratar rasijskaha kiraŭnika adznačyŭ, što ŭ Rasii biesprecedentnaja kansalidacyi vakoł Pucina.
Kankurentaŭ u prezidenta Rasii Uładzimira Pucina ŭ krainie niama i być nie moža, zajaviŭ u aŭtorak pres-sakratar kiraŭnika dziaržavy Dźmitryj Piaskoŭ, piša «Sputnik».
Jon adznačyŭ, što Pucin biezumoŭna źjaŭlajecca palitykam i dziaržaŭnym dziejačam numar adzin u Rasii.
«Majo asabistaje mierkavańnie, choć ja naŭrad ci maju prava kazać, ale, parušajučy praviły, mahu skazać, što ŭ jaho kankurentaŭ niama i być nie moža ŭ Rasii», — padkreśliŭ Piaskoŭ.
Raniej pres-sakratar prezidenta RF adkazaŭ na inicyjatyvu kiraŭnika Čačni Ramzana Kadyrava, jaki prapanavaŭ admianić prezidenckija vybary ŭ Rasii ŭ sakaviku 2024 hoda z-za vajny va Ukrainie abo pravieści ich tolki z adnym kandydatam — Pucinam.
Tak, Piaskoŭ adznačyŭ, što ciapier u krainie ŭ pieryjad biesprecedentnaj kansalidacyi vakoł prezidenta Pucin źjaŭlajecca absalutna lidzirujučym palitykam, jakomu navat tearetyčna naŭrad ci chtości zmoža skłaści kankurencyju ŭ elektaralnym płanie.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ2
Kamientary