Fiestyval kino Paŭnočnych i Bałtyjskich krain «Paŭnočnaje źziańnie» projdzie z 13 pa 26 listapada. Stała viadoma, jakija filmy pakažuć na jaho adkryćci i zakryćci.
13-ha listapada «Paŭnočnaje źziańnie — 2023» pačniecca ź filma «Serca tvorcy».
Dakumientalny bajopik znajomić hledača z mastačkaj Sihrun Hunarsdocir. Joj 73 hady. Jana naradziłasia i žyvie ŭsio žyćcio ŭ viosačcy Aji, jakaja byccam raźmiaściłasia ŭ kinasuśviecie Uesa Andersana, ale papraŭdzie znachodzicca na druhim pa vieličyni vostravie Fareraŭ. Sihrun pastajanna ŭ ruchu, pastajanna ŭ pracy: maluje, špacyruje z sabakam, hulaje z mužam u pinh-ponh.
Žančynu natchniaje ŭsio, što jość vakoł jaje: ludzi, ptuški i hory, — dziakujučy čamu jana stvaryła ŭłasny žyvapisny suśviet. A piersanažy mudrahielistych karcin Sihrun ažyvajuć na ekranie dziakujučy šatłandskaj art-dyrektarcy Keci Bievierydž, jakaja pracuje z Volkswagen, Burberry i Marc Jacobs.
Zavieršycca 9-y kinafiestyval «Paŭnočnaje źziańnie» 26 listapada filmam sumiesnaj vytvorčaści Danii i Šviecyi pra dvuchsothadovyja stasunki čałavieka i kamiery — «I skazaŭ karol: što za cud-mašyna!».
«I skazaŭ karol: što za cud-mašyna!» — heta vytkanaja z sotniaŭ znojdzienych u internecie materyjałaŭ daścipnaja chronika, jakaja achoplivaje amal 200-hadovuju historyju vyjavy: ad vynachodstva kamiery-abskury i pakazu pieršaj ruchomaj karcinki žakieja na kani da źjaŭleńnia veb-kamier i pieršych virusnych videarolikaŭ.
Režysiory — Aksiel Daniełsan i Maksimiljen Van Ertryk — miksujuć histaryčnyja kadry z karanacyi Eduarda VII (da jaje adsyłaje mudrahielistaja nazva filma) i frahmienty prapahandysckich stužak Treciaha rejcha ź dziasiatkami znojdzienych na YouTube damašnich videa, televizijnymi repartažami ź miescaŭ vajennych dziejańniaŭ, klipami amataraŭ vostrych adčuvańniaŭ, jakija źvisajuć z dachaŭ chmaračosaŭ, dy zapisami strymaŭ Bel Delfin.
Usia prahrama kinafiestyvalu budzie dastupnaja biaspłatna ŭ farmacie online. Biełaruskuju prahramu «Paŭnočnaha źziańnia» častkova možna budzie pahladzieć u kinateatrach u Talinie i Vilni. Bolš infarmacyi pra heta źjavicca zusim skora.
Dla biełarusaŭ, jakija buduć hladzieć filmy ź Biełarusi, rehistracyja prachodzić aŭtamatyčna. Dla biełarusaŭ zamiežža dostup da fiestyvalnaj płatformy vydajecca ŭručnuju. Padrabiaznaja instrukcyja dla rehistracyi jość na aficyjnym sajcie kinafiestyvalu.
Tyja, chto rehistravaŭsia na płatformie raniej dla prahladu filmaŭ «Paŭnočnaha źziańnia» abo nabyvaŭ dostup chacia b da adnaho filma anłajn-kinateatra VODBLISK, mohuć zajści ŭ akaŭnt biez paŭtornaj rehistracyi.
Padtrymać kinafest možna danatam.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary