«Paciešna heta ŭsio». Łukašenka raskazaŭ, jak dziaŭčaty vitajuć jaho dahary nahami
Łukašenka, razvažajučy siońnia pra zabudovu rajona vakoł Pałaca Niezaležnaści, siarod inšaha kranuŭsia i aktualnaha dla hetaj miascovaści rekreacyjnaha pytańnia. Na jaho dumku, minskaje Kamsamolskaje voziera moža zamianić biełarusam dalokija zamorskija krainy.
«Nie dumaju, što my tut niešta budziem budavać. Tut niama čaho budavać. Jość park Pieramohi, jość Kamsamolskaje voziera. Była pastaŭlena zadača — uładkavać, zrabić utulna. Jašče raz kažu: ja nie baču tut dadatkovaha niejkaha budaŭnictva. Byli roznyja prapanovy, budynki niejkija. Ja nie ŭchvaliŭ hetaha.
Jašče i z praktyčnaha punktu hledžańnia: nie kožny ž moža sabie dazvolić pajechać u Emiraty ci navat u Turcyju, jak by tam tanna heta ni było. Nie kožny. A moža być, i nie treba. Pałova i nie choča tudy jechać. Ale jany chacieli b z unukami, ź dzietkami kudyści vyjści, dzieści kab heta było pad bokam, i adpačyć», — skazaŭ Łukašenka.
Prytym sam jon lubić hladzieć sa svajho kartežu na dziaŭčat, jakija adpačyvajuć na plažy, i ŭpeŭnieny, što ich pačućci ŭzajemnyja:
«Ja ŭžo žartam časta kažu, kali ja jedu pa praśpiekcie z centra horada, dziaŭčatki tam nie skažu tam, što jany zaharajuć abo lažać, jany valajucca na bierazie voziera i nohi dahary, i mianie tak vitajuć dahary nahami. Paciešna heta ŭsio. Ale ja radujusia, što ludziam jość kudy pryjści. Voś jany pierajšli darohu i adpačyvajuć na bierazie Kamsamolskaha voziera».
Kamientary