«Пацешна гэта ўсё». Лукашэнка расказаў, як дзяўчаты вітаюць яго дагары нагамі
Лукашэнка, разважаючы сёння пра забудову раёна вакол Палаца Незалежнасці, сярод іншага крануўся і актуальнага для гэтай мясцовасці рэкрэацыйнага пытання. На яго думку, мінскае Камсамольскае возера можа замяніць беларусам далёкія заморскія краіны.
«Не думаю, што мы тут нешта будзем будаваць. Тут няма чаго будаваць. Ёсць парк Перамогі, ёсць Камсамольскае возера. Была пастаўлена задача — уладкаваць, зрабіць утульна. Яшчэ раз кажу: я не бачу тут дадатковага нейкага будаўніцтва. Былі розныя прапановы, будынкі нейкія. Я не ўхваліў гэтага.
Яшчэ і з практычнага пункту гледжання: не кожны ж можа сабе дазволіць паехаць у Эміраты ці нават у Турцыю, як бы там танна гэта ні было. Не кожны. А можа быць, і не трэба. Палова і не хоча туды ехаць. Але яны хацелі б з унукамі, з дзеткамі кудысьці выйсці, дзесьці каб гэта было пад бокам, і адпачыць», — сказаў Лукашэнка.
Прытым сам ён любіць глядзець са свайго картэжу на дзяўчат, якія адпачываюць на пляжы, і ўпэўнены, што іх пачуцці ўзаемныя:
«Я ўжо жартам часта кажу, калі я еду па праспекце з цэнтра горада, дзяўчаткі там не скажу там, што яны загараюць або ляжаць, яны валяюцца на беразе возера і ногі дагары, і мяне так вітаюць дагары нагамі. Пацешна гэта ўсё. Але я радуюся, што людзям ёсць куды прыйсці. Вось яны перайшлі дарогу і адпачываюць на беразе Камсамольскага возера».
Цяпер чытаюць
«Я ехала ад вайны і бамбёжак»: Яўгенія Чарняўская пра пераезд на Кіпр8
Каментары