«Сказала, што я не так да яе заляцаўся». Абвінавачваны ў двайным забойстве ў Крупскім раёне выступіў з апошнім словам
16 красавіка гэтага года 37-гадовы жыхар Крупскага раёна, не жадаючы адпускаць жонку да саперніка, застрэліў спачатку яе палюбоўніка, а потым і саму жанчыну.
Пасля ўчыненага злачынства ён патэлефанаваў у дзяжурную частку раённага аддзела ўнутраных спраў і паведаміў аб зробленым. Зараз мужчыну пагражае пакаранне ў выглядзе пажыццёвага пазбаўлення волі, паведамляе mlyn.by.
Кропка ў гэтай справе павінна быць пастаўлена сёння, 30 кастрычніка.
Апошняе слова абвінавачваны пачаў з таго самага моманту, калі даведаўся пра здраду жонкі:
— Вырашылі, што трэба гэта перажыць, цяжкі перыяд у жыцці. Калі ўсё гэта вылезла, я спытаў: «Чаму, навошта?» [Яна] сказала, што проста побыт. Так, я быў увесь час заняты. Можа, гэта паслужыла трыгерам. Сказала, што я не так да яе заляцаўся. Можа. Пачала прасіць прабачэння, я паняволі верыў. Не думаў, што так можна хлусіць наогул.
Як усё выйшла, сам не разумею. Ведаю дакладна, што не хацеў ні сваіх, ні чужых дзяцей пакідаць сіротамі.
Наконт прабачэння і раскаяння … я ніколі не быў крывадушны. Лічу, што словы могуць прынесці толькі боль. Я пра гэта шкадую, але, на жаль, нічога не вернеш. Любое пакаранне не будзе такім строгім, як я сам сябе пакараў.
У зале чуліся воклічы сваякоў абвінавачванага.
Суд выйшаў для вынясення прысуду. Яго агучаць а 15:00.
«Мабыць, моцна кахаў сваю жонку». Што вядома пра падвойнае забойства ў Крупках
Падвойнае забойства ў Крупках: мужчына застрэліў сваю жонку і яе знаёмага
Расстрэл. У Слуцку вынесены прысуд бацькам, якія закатавалі трохгадовага сына
Бацькі закатаванага трохгадовага хлопчыка выступілі з апошнім словам. Адзін шкадаваў, што жыццё так склалася, другая прамаўчала
Калі Канапацкая стала цалкам падкантрольная Лукашэнку?16
Каментары
🤷🏻♂️
Ну и зачем столько крови и пафоса?! Уходит?! Отпускай во все стороны!!! Свобода и Здоровье - вот ГЛАВНОЕ!!! А сидеть на нарах или лежать с простреленной башкой по ВМН - КАКОЙ ТОЛК?!