U Breście za zdymki dronam pakarali błohiera «Vaśku Piłota». Jon biaspłatna zdymaŭ dla dziaržaŭnaj arhanizacyi
Fatohraf z Bresta Vasil Pašaluk, bolš viadomy ŭ karystalnikaŭ internetam pad mianuškaj Vaśka Piłot, dniami byŭ aštrafavany pavodle Administracyjnaha kodeksa na 10 bazavych vieličyń, što składaje 370 rubloŭ, piša BAŽ.
Fatohrafa, jaki zajmajecca fota– i videazdymkami z dapamohaj kvadrakoptara, pakarali za toje, što jon vykarystoŭvaŭ svoj dron biez papiaredniaha ŭzhadnieńnia. Ź inicyjatyvaj zavieści ŭ dačynieńni da jaho administracyjnuju spravu pavodle č. 2 art. 18.35 KaAP vystupiła prakuratura Bresckaj vobłaści.
Padstavaj stała toje, što Vasil Pašaluk źmiaściŭ na svaim YouTube-kanale niekalki rolikaŭ z Bresta, zroblenych im na zamovu dla adnoj ź dziaržaŭnych arhanizacyj.
Ale ŭ prakuratury daviedalisia, što zdymki z drona nibyta vialisia biez papiaredniaha dazvołu.
«Vaśka Piłot» — viadomaja asoba ŭ internet-prastory nie tolki siarod karystalnikaŭ z Brestčyny, ale i daloka za jaje miežami. Zdymki z dapamohaj kvadrakoptara jon robić z 2018 hoda, kali siabra pryvioz jamu amatarski dron z ZŠA. Dalej źjaviłasia prafiesijnaja technika, i z tych časoŭ hetymi zdymkami aktyŭna karystajucca i dziaržaŭnyja ŚMI.
Sam Vasil Pašaluk nieadnarazova atrymlivaŭ padziaku ad kiraŭnikoŭ miascovaj vykanaŭčaj ułady. Publikacyi pra jaho zachapleńnie i prafiesijanalizm vychodzili i ŭ niezaležnych miedyja, i ŭ vydańniach kštałtu «SB. Biełaruś siehodnia».
Kali prychilniki tvorčaści Vaśki Piłota daviedalisia, što jaho aštrafavali, źjavilisia prapanovy dapamahčy z apłataj vydatkaŭ.
Adnak Vasil Pašaluk zrabiŭ heta samastojna, adznačyŭšy, što kryŭdny nie sam štraf, a što pakarańnie adbyłosia za biaspłatnyja zdymki dla dziaržaŭnaj arhanizacyi.
Čytajcie taksama:
Fizičnym asobam zabaraniajuć mieć drony, arhanizacyjam i IP — abmiažoŭvajuć
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni6
Kamientary