Pačaŭsia zachop papularnych łakalnych miedyja. Ich pieradajuć redakcyjam dziaržSMI
Viadomyja niekalki takich vypadkaŭ. Zachapili davoli vialikija resursy.
Dakładna viadoma pra try vypadki — rezkija źmieny ŭ telehram-kanale «Naš rodny kraj Łahojsk», zachop instahram-kanała «Stoŭbcy Sici» i źmiena ŭładalnika resursa kraj.by.
«Naš rodny kraj Łahojsk» źmianiŭ šyldu z «Łahojsk (nie) aficyjna» 19 kastryčnika 2023 hoda. U kanale źjaviłasia paviedamleńnie pra toje, što na aryhinalnym kanale znajšli «ekstremisckija materyjały», tamu na jaho bazie stvorany «novy kanał», jaki nie maje ničoha supolnaha sa starym.
Usie dopisy ź jaho byli vydalenyja. Ciapier na im prosta cytujucca aficyjnyja paviedamleńni i dopisy čarnasociennaj «Minskaj praŭdy». Admietna, što miascovaja rajonka nazyvajecca «Rodny kraj». Nieviadoma, ci kanał zachopleny, ci prosta raniejšych aŭtaraŭ «narmalizavali».
Padobnaje adbyłosia i ź instahram-staronkaj «Stoŭbcy Sici», jakaja maje bolš za 10 tysiačaŭ padpisantaŭ. Ciapier jaje viaduć supracoŭniki «Minskaj praŭdy». Skrynšot vykłała ŭ siabie «kibierkazačka» Volha Bondarava.
Jašče adzin prykład — papularny niepalityčny resurs kraj.by, jaki piša pra naviny zachodniaj častki Minskaj vobłaści, trochi zakranajučy Hrodzienščynu i Viciebščynu. Isnavaŭ jon z 2011 hoda, a z 2019-ha byŭ aficyjna zarehistravany jak ŚMI.
Ź leta 2023-ha rekvizity na sajcie moŭčki źmianilisia na rekvizity «Minskaj praŭdy». Anijakich paviedamleńniaŭ pra heta nie było, ale, imavierna, ciapier jaho taksama viaduć žurnalisty hetaha vydańnia. Nieviadoma, na jakich umovach dziaržSMI atrymali resurs, pa ŭsim vidać, prosta zabrali z dapamohaj cisku źvierchu.
Padobna, što «Minskaja praŭda» z dapamohaj siłavych strukturaŭ vyrašyła padmiać pad siabie ŭsie miedyja Minskaj vobłaści — jak dziaržaŭnyja, hetak i niedziaržaŭnyja.
«Naša Niva» — bastyjon biełaruščyny
PADTRYMAĆ
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary
Red., bačycie, jak vy ŭzbuždajecie muža Nataši