Prezidenty Polščy, Litvy i Łatvii admovilisia fatahrafavacca ŭ Dubai z Łukašenkam
«Heta nazyvajecca siamiejnym fota. Łukašenka nie naležyć da toj siamji, da jakoj my chočam naležać», — zajaviŭ Hitanas Naŭsieda.
Prezidenty Hitanas Naŭsieda, Edhar Rynkievič i Andžej Duda bajkatavali ahulnuju fatahrafiju na sustrečy Arhanizacyi Abjadnanych Nacyj pa źmianieńni klimatu COP28 u piatnicu ŭ Abjadnanych Arabskich Emiratach, bo dla jaje taksama paziravaŭ Alaksandr Łukašenka, piša LRT.
«Było b kryvadušna stajać plačom da plača z kiraŭnikom dziaržavy, jakaja stała płacdarmam ahresii Raii suprać Ukrainy, i jak ni ŭ čym nie byvała abmiarkoŭvać budučyniu śvietu i źmianieńnie klimatu. Biełaruski režym spryjaje razbureńniu budučaha śvietu i razam z Rasiejaj niasie adkaznaść za toje, što adbyvajecca va Ukrainie — ad hibieli ludziej da katastrafičnaha ŭździejańnia na navakolnaje asiarodździe», — zajaviŭ Naŭsieda.
«Heta nazyvajecca siamiejnym fota. Łukašenka nie naležyć da toj siamji, da jakoj my chočam naležać», — dadaŭ prezident Litvy.
Kamientary