Ukraina źmianiła stratehiju, admoviŭšysia ad pryjarytetu ŭ vyhladzie advajavańnia akupavanych Rasijaj terytoryj — Bild
«Naša meta — damahčysia maksimalna stanoŭčaha kaeficyjenta źniščeńnia rasijskich vajskoŭcaŭ», — skazaŭ Bild aficer Uzbrojenych sił Ukrainy.
Vajenny ahladalnik Juljan Repkie sa spasyłkaj na słovy aficera USU piša, što advajova akupavanych terytoryj nie źjaŭlajecca ciapier asnoŭnaj metaj ukrainskaj armii — pryjarytetam stanovicca i nie abarona ciapierašniaj linii frontu, a źniščeńnie jak maha bolšaj kolkaści rasijskich vajskoŭcaŭ ź minimalnaj kolkaściu strat va ŭkrainskaj armii.
«Naša meta — damahčysia maksimalna stanoŭčaha kaeficyjenta źniščeńnia», — skazaŭ Bild aficer USU.
Majucca na ŭvazie suadnosiny svaich strat i strat supiernika. «Kali 10 da 1 na našu karyść, my pojdziem dalej, kali 1 da 1, my adstupim», — adznačyŭ jon.
Inšy vajskoviec paćvierdziŭ: «Ciapier užo niama cisku, tamu my prosta imkniemsia da maksimalnych strat supiernika. Pazicyi nie majuć značeńnia, hałoŭnaje, kab bolšaść ukraincaŭ zastalisia žyvyja».
Pra heta kaža i były zachodni vajskoviec, jaki ŭ apošnija hady nieadnarazova kansultavaŭ Ukrainu.
U kamientary dla Bild, jaki jon daŭ na ŭmovach ananimnaści, jon nazvaŭ toje, što adbyvajecca, «pa sutnaści kantralavanym adstupleńniem z bojem».
«Vy stvarajecie minnaje pole i nazirajecie, jak na im hinie jak maha bolš ruskich i źniščajucca ichnija tanki. A kali jany projduć, vy adstupicie na kiłamietr i dazvolicie ruskim zajechać na nastupnaje minnaje pole, jakoje było tym časam ustanoŭlena», — skazaŭ jon.
Za hetaj stratehijaj, na dumku vajskovaha daradcy, staić «nadzieja na dasiahnieńnie kulminacyjnaj kropki, u jakoj rasijski nastup abryniecca».
Utrymańnie ci navat viartańnie terytoryj, kaža daradca, znoŭ stanie pryjarytetam tolki kali rasijskija siły albo straciać dastatkova ludziej i techniki, albo na front prybudzie «zbroja, jakaja źmianiaje praviły hulni», jakaja dazvolić Ukrainie ŭziać inicyjatyvu ŭ svaje ruki.
Takoj zbrojaj źjaŭlajucca, naprykład, «kryłatyja rakiety daradcaŭ, takija jak ATACMS abo Taurus», a taksama «źniščalniki, takija jak F-16 abo JAS 39».
Kamientary