Ukrainskuju harełku Nemiroff płanujecca vypuskać na likiora‑harełačnym zavodzie «Minsk Kryštal».
Pra heta skazaŭ staršynia kancerna «Biełdziaržcharčpram» Ivan Dančanka na pres‑kanfierencyi 28 śniežnia ŭ Minsku.
Jak paviedamlałasia raniej, ukrainskaja kampanija praviała aŭdyt biełaruskich likiora‑harełačnych pradpryjemstvaŭ na pradmiet mahčymaści licenzijnaj vytvorčaści harełki nazvanaj handlovaj marki. Pavodle słoŭ Dančanki, chutčej za ŭsio, vytvorčaść budzie arhanizavanaja ŭ Minsku.
«Ciapier treba padličyć ekanomiku i vyrašyć, ci budzie heta vyhadna bakam», — adznačyŭ Dančanka. Jon padkreśliŭ, što ŭ vypadku stanoŭčaha rašeńnia
pry vytvorčaści budzie vykarystoŭvacca biełaruski śpirt, biełaruski cukar, biełaruskaja butelka i biełaruski korak.
«Ad partniora my budziem mieć pašyranuju sietku realizacyi, imia i recepturu», — adznačyŭ staršynia kancerna.
Jon nahadaŭ, što ŭ Biełarusi ŭžo naładžany vypusk irłandskaha viski, hruzinskich, małdaŭskich i armianskich kańjakoŭ, płanujecca vytvorčaść francuzskich kańjakoŭ.
Razam z tym Dančanka adznačyŭ, što «ałkaholny rynak Biełarusi pierapoŭnieny». U krainie vypuskajecca 145 młn. litraŭ harełki. Rynki susiednich krain (Ukrainy i Rasii) taksama pierapoŭnienyja ałkaholem, adznačyŭ kiraŭnik kancerna. Pavodle jaho infarmacyi, u 2009 hodzie temp rostu ekspartu biełaruskaj likiora‑harełačnaj pradukcyi składzie 140% da ŭzroŭniu 2008 hoda, ci kala 500 tys. dał. Sioleta pačaty pastaŭki ŭ Sankt‑Pieciarburh i Čelabinsk.
«Šmat ałkaholu było pastaŭlena ŭ krainy Bałtyi. Da 10% ałkaholu ŭ Prybałtycy — heta biełaruski ałkahol», — adznačyŭ Dančanka.
Kamientary