Bolš za pałovu biełaruskich ahrasiadzib nie prajšli pierarehistracyju
Jak ciapier iduć spravy ŭ śfiery ahraekaturyzmu, raskazała dyrektarka Departamienta pa turyźmie Ministerstva sportu i turyzmu Iryna Varanovič. Jana adznačyła, što na pačatak hetaha hoda ŭ Biełarusi było zarehistravana 3043 ahrasiadziby, a da hetaha času pierarehistracyju prajšli ź ich tolki 1297.
«Pry hetym my razumiejem, što ličba nie kančatkovaja, i čakajem jaje pavieličeńnia da kanca hoda. Tak, niekatoryja ŭładalniki tolki ciapier źviartajucca ŭ miascovyja vykankamy, chtości likviduje zaŭvahi, atrymanyja padčas vizitu śpiecyjalna stvoranaj kamisii. Jaje zadača — pierakanacca, što ahraekasiadziba adpaviadaje ŭsim hetym kryteryjam i zdolnaja akazvać zajaŭlenyja pasłuhi», — adznačyła čynoŭnica.
U toj ža čas z pačatku 2023 hoda ŭ krainie źjaviłasia 170 novych ahraekasiadzib.
Praces pierarehistracyi biełaruskich ahrasiadzib byŭ zapuščany paśla taho, jak u 2022 hodzie byŭ padpisany ŭkaz №351 «Ab raźvićci ahraekaturyzmu». Jon uvioŭ šerah navacyj u hetaj śfiery, jakija abciažaryli viadzieńnie hetaha biznesu ŭ paraŭnańni z raniejšymi časami.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary