Nijakaj «amnistyi» niećviarozym kiroŭcam u navahodniuju noč nie budzie
Nijakaj «amnistyi» niećviarozym kiroŭcam u navahodniuju noč nie budzie. Pra heta 29 śniežnia na pres‑kanfierencyi ŭ Minsku zajaviŭ načalnik UDAI UUS Minabłvykankama Mikałaj Karatkievič.
Pavodle jaho słoŭ, niekatoryja kiroŭcy ličać, što ŭ navahodniuju noč mahčymy pasłableńni ŭ kantroli z boku DAI. «Jany paśla dvuch‑troch kielichaŭ šampanskaha abo inšaj mocnaj vadkaści sadziacca za rul i dumajuć pry hetym, što supracoŭniki Dziaržaŭtainśpiekcyi prajaviać da ich pabłažki za jazdu ŭ niećviarozym stanie — usio‑taki Novy hod.
Ja chacieŭ by zaścierahčy ich — hetaha nie budzie. Chutčej, budzie naadvarot», — adznačyŭ Karatkievič.
Pavodle jaho słoŭ, padčas navahodnich śviataŭ DAI budzie pracavać va ŭzmocnienym režymie. Taksama ŭ poŭnym abjomie buduć pracavać pierasoŭnyja narkałahičnyja punkty. «Pry hetym asabliva ŭvaha budzie nadavacca nie tolki vykanańniu kiroŭcami praviłaŭ darožnaha ruchu, techničnamu stanu aŭtamabila, ale i fizičnamu stanu samoha kiroŭcy», — zajaviŭ Karatkievič.
Jon taksama papiaredziŭ kiroŭcaŭ, što ŭ navahodniuju i pieradnavahodniuju noč mahčymy źmieny i abmiežavańni ruchu transpartu. «Z ulikam hetaha asablivuju ŭvažlivaść pavinny prajaŭlać nie tolki kiroŭcy, ale i piešachody. Asabliva tyja, jakija dahetul nie nosiać na adzieńni śviatłoadbivalnyja elemienty», — papiaredziŭ Karatkievič.
Ciapier čytajuć
Babaryka: Kali b my pieramahli — vajny va Ukrainie nie było b5
Babaryka: Kali b my pieramahli — vajny va Ukrainie nie było b
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary