Chto narodny?

Pačatak u № 29.

Parlament raz na piać hadoŭ

Ja za toje, kab zvańnie narodnaha piśmieńnika (mastaka, artysta) nadavaŭ parlament u čas svaich admysłovych pasiedžańniaŭ. Dziela vyklučeńnia devalvacyi zvańniaŭ takija pasiadžeńni musiać źbiracca niačasta – naprykład, raz na piać hadoŭ. Dobra było b navat praduhledzieć paradak ichniaha sklikańnia ŭ Kanstytucyi. Debaty pra litaraturu ŭ parlamenckich muroch peŭna padvysili b jejny status u hramadztvie.

Volf Rubinčyk, palitolah, kurjer, Miensk

Pryznańnie maje Arłoŭ

Kali havaryć pra piśmieńnikaŭ, što majuć prava ciapier nazyvacca Narodnymi, to skažu pra krytery, pavodle jakich miarkuju. Zvańnie Narodnaha piśmieńnika, ja ŭpeŭnieny, musić źmiaščać u sabie jak acenku litaraturnaha ŭzroŭniu majstra, tak i adznaku papularnaści aŭtara, narodnaha pryznańnia. Značeńnie maje stupień złabadzionnaści tvorčaści, a taksama, dumaju, i hramadzianskaja pazycyja piśmieńnika.

Najbolš usim hetym kryteram u sučasnaj Biełarusi adpaviadaje Ŭładzimier Arłoŭ. U mianie niama sumnieńniaŭ, što tvorčaść Arłova ŭvojdzie (kali jašče nie ŭvajšła) ŭ załaty fond biełaruskaj litaratury. Nie padlahaje sumnieńniu taksama jaho papularnaść i aktualnaść.

Kali jość mahčymaść «prahałasavać» i za inšych, chaču addać svoj hołas taksama za Hienadzia Buraŭkina dy Andreja Chadanoviča.

Spadar z gmail.com

* * *

Ja hałasuju za Ŭładzimiera Arłova.

Spadar z inbox.ru

* * *

Na vašu prapanovu chaču adkazać, što hetaje zvańnie nam biełarusam nie paškodziła b, bo spryjaje stvareńniu nacyjanalnaj elity i uśviedamleńniu nacyjanalnaj hodnaści. Liču, što hetaha zvańnia vartyja Volha Ipatava, Ryhor Baradulin, Vasil Siomucha, Valancin Taras,Uładzimier Arłoŭ, Vitaŭt Čaropka.

Ludmiła Litvinava, Miensk

Ipatava

Hałasuju za Volhu Ipatavu

Zinaida Krupskaja-Hubarava, Vilejka

Zianon

Narodnym piśmieńnikam Biełarusi varta nazvać Zianona, bo ŭsio, što jon piša, piša z dumkaju pra naš narod. Piša hienijalna: trapna, dastupna da masavaha razumieńnia, praroča. Mnohim čas raspluščyć vočy na litaraturny talent Paźniaka, kali ŭžo niešta zaminaje im uspryniać jahony talent palityčny.

Karcaŭ, Miensk

Tym, kamu dała historyja

1. Naŭrad ci varta hetuju hulniu pačynać, bo ŭ našych umovach heta moža pryvieści da hanieńnia naminavanych i sparadzić płojmu «narodnych» ad paralelnaj struktury. A niekatoryja i pa «kumpale» ŭ svaim domie atrymajuć.

2. Narodnaha pavinna prysudžać struktura, upaŭnavažanaja narodam i padkantrolnaja jamu, z aprabavańniem praź sita historyi. Tolki čałaviek (mastak), jaki ŭvieś svoj talent, rozum i zdaroŭje addaŭ słužeńniu našamu narodu maje padstavu nazyvacca narodnym. Kali ž havaryć, kamu b ja siońnia daŭ zvańnie narodnaha, dyk heta Bahuševiču, Bahdanoviču, Hienijuš i Arsieńnievaj. Naša historyja im dała hetaje zvańnie. Toj, chto nia «cenić» našaje movy pavodle «obŝiediemokratičieskich» mierkavańniaŭ, – nia naš narodny! Kali tolki praktykujecca ŭ placieńni słoŭ, nie idzie siońnia na barykady – nie narodny!

3. Mienš za ŭsio treba brać pad uvahu mierkavańnie kaleh-mastakoŭ, bo amal usie jany siabie staviać vyšej za inšych, usie jany z chvoraj ambicyjaj.

I.Kramko, Miensk

• 0
• 0
• 0
• 0
• 0
• 0
• 0
• 0