Hruz byŭ adpraŭleny z Adesy praz Rumyniju, Bałharyju i Turcyju. Punktam pryznačeńnia ŭkazali Varoniež.
Pavodle zajavy Słužby dziaržaŭnaj biaśpieki (SDB) Hruzii, praduchileny tranzit vybuchovaha rečyva C-4 z Ukrainy ŭ Rasiju, paviedamlaje «Echo Kavkaza».
U SDB śćviardžajuć, što vybuchoŭka ahulnaj vahoj 14 kh pastupiła ŭ krainu pad vyhladam akumulataraŭ elektramabilaŭ. Hruz byŭ adpraŭleny z Adesy praz Rumyniju, Bałharyju i Turcyju i pierasiok turecka-hruzinskuju miažu praz KPP «Sarpi» 19 studzienia, zajaviŭ kiraŭnik Kontrterarystyčnaha centra SHB Bača Mhieładze.
Punktam pryznačeńnia hruzu byŭ ukazany Varoniež, try vybuchovyja pryłady byli kanfiskavanyja na rasijska-hruzinskaj miažy, adnak jašče try pryłady «pakinuli ŭ Tbilisi na kankretnym adrasie».
U SDB nie vyklučajuć, što arhanizatary płanavali zładzić terakty i na terytoryi Hruzii.
SDB śćviardžaje, što «arhanizataram pracesu» źjaŭlaŭsia ŭradženiec Batumi, hramadzianin Ukrainy Andrej Šarašydze, jaki ŭ 2020 hodzie bałatavaŭsia ŭ radu Adeskaj vobłaści ad partyi «Słuha naroda». Da pracesu byli padklučanyja siem hramadzian Hruzii, troje hramadzian Ukrainy i dvoje hramadzian Armienii, adnak tolki Šarašydze viedaŭ ab vybuchovych pryładach i kapsułach-detanatarach, ustanoŭlenych u akumulatarach aŭtamabila, miarkujuć u SDB.
«Što tyčycca troch vybuchovych pryład, pakinutych u Tbilisi, — ci pryznačalisia jany dla vyvazu ŭ Rasiju ci pavinny byli zastacca ŭ Hruzii dla pryviadzieńnia ŭ dziejańnie, heta vyznačyć rasśledavańnie», — zajaviŭ Mhieładze.
Adnak u SDB miarkujuć, što, «uličvajučy vykarystańnie terytoryi Hruzii i šyrokaje ŭciahvańnie ŭ hety praces hramadzian Hruzii», Tbilisi płanavali abvinavacić «jak u płanavańni, tak i ŭ realizacyi teraktaŭ, ažyćciaŭleńnie jakich płanavałasia ŭ Hruzii ci za miažoj».
U śpiecsłužbie kažuć, što sprava zaviedzienaja pa artykule 236 KK Hruzii (supraćpraŭnyja nabyćcio, zachoŭvańnie, našeńnie, vyrab, pieravozka, pierasyłka abo zbyt ahniastrelnaj zbroi, bojeprypasaŭ, vybuchovych rečyvaŭ abo vybuchovych pryład),
adnak moža być praciahnuta i pa artykule ab padrychtoŭcy teraktu, jakaja praduhledžvaje pazbaŭleńnie voli na termin ad 10 da 15 hadoŭ.
Čytajcie taksama:
Sud u Kijevie pa spravie zabojstva Paŭła Šaramieta prypynili, bo fihuranty vajujuć
Zatrymany za dyviersiju ŭ rasijskim tuneli biełarus — šmatdzietny baćka, jaki nie zmaŭčaŭ u 2020-m
Mahčyma, razhortvajecca novaja apieracyja začystki. Infarmacyja pra zatrymańni prychodzić z roznych rehijonaŭ krainy2
Kamientary
Da komu vy nužny,čiepušiły,u ludiej jesť dieła po važnieje.