U Biełarusi ŭžo pradajucca Apple Vision Pro. Ale kaštujuć, jak šeść novych ajfonaŭ
Heta 11 siarednich zarobkaŭ za 2023 hod.
Prodažy Apple Vision Pro ledź paśpieli startavać u ZŠA, ale zamović harnituru ŭžo možna i ŭ Biełarusi. Praŭda, cana, miakka kažučy… Dy i čakać pryjdziecca amal dva tydni, piša Onliner.by.
U katałohu Onlíner za Apple Vision Pro prosiać 20 000 rubloŭ. Prapanova pakul adna, tak što vybirać niama z čaho. Za hetyja hrošy, nahadajem, atrymlivaješ harnituru źmiašanaj realnaści, jakaja pa sutnaści źjaŭlajecca kampjutaram, jaki nadziavajecca na hałavu. Kiravać možna vačyma, rukami i hałasavymi kamandami.
Što možna kupić pa canie 20 000 rubloŭ (a heta 11 siarednich, nie miedyjannych, zarobkaŭ u Biełarusi za minuły hod)?
Na tym ža Onliner 15-y ajfon z pamiaćciu 128Gb kaštuje ad 2989 rubloŭ. Heta značyć Apple Vision Pro kaštuje ad šaści z pałovaj takich ajfonaŭ.
Apošniaja madel iPad Air 128 Gb kaštuje ad 3799 rubloŭ (piać takich ajpadaŭ).
Pakupniki ŭ Amierycy zmohuć aformić papiaredniuju zamovu na pryładu Apple Vision Pro za 3499 dalaraŭ ź siaredziny studzienia (na siońnia heta prykładna 11 200 rubloŭ). Data jaje vychadu na inšyja rynki pakul nie viadomaja.
Kamientary